କଟକ: ଲୋକଙ୍କୁ ମିଥ୍ୟା ପ୍ରଲୋଭନ ଦେଖାଇ ଟଙ୍କା ଠକେଇ କରୁଥିବା ସିଦ୍ଧ ମହାପୁରୁଷ ମନୀ ସୋସାଇଟି ଚିଟଫଣ୍ଡ ସଂସ୍ଥାର ଦୁଇଟି ମାମଲାରେ ୭ ଜଣକୁ ୭ ବର୍ଷ ସଶ୍ରମ କାରାଦଣ୍ଡ । ଏହି ଦଣ୍ଡା ଦେଶ ଶୁଣାଇଛନ୍ତି ସ୍ବତନ୍ତ୍ର ଓ ପିଆଇଡି କୋର୍ଟ ।
ମନି ସୋସାଇଟି ନାଁ ୪ କୋଟି ଠକେଇ ଘଟଣା
କେନ୍ଦ୍ରାପଡ଼ା ଜିଲ୍ଲା ନିକେରେଇ ଥାନା ୬/୨୦୧୬ ମାମଲାରେ ଲକ୍ଷ୍ମୀପ୍ରିୟା ରାଉତ, ସ୍ମିତାଞ୍ଜଳୀ ରାଉତ, ସଂଜୀବ ରାଉତ ଓ ମନୋଜ ଲେଙ୍କାଙ୍କୁ ଉଭୟ ୪୨୦ ଆଇପିସି ଓ ଓପିଆଇଡି ଆକ୍ଟ ୬ରେ ୭ ବର୍ଷ ଜେଲ ଦଣ୍ଡାଦେଶ ସହ ୫ ଲକ୍ଷ ଟଙ୍କା ଜୋରିମାନା ପାଇଁ ନିର୍ଦ୍ଦେଶ ଦେଇଛନ୍ତି କୋର୍ଟ ।
ସେହିପରି ମନି ସରକୁଲେଶନ ଆକ୍ଟରେ ୨ ବର୍ଷ ଜେଲ ଦଣ୍ଡାଦେଶ ଶୁଣାଇଛନ୍ତି ଓପିଆଇଡି କୋର୍ଟ । ଅନ୍ୟପଟେ ନିକେରେଇ ଥାନା ଅନ୍ତର୍ଗତ ସେହି ସୋସାଇଟି ଆଉ ଏକ ମାମଲାରେ ଭାଗ୍ୟବତୀ ରାଉତ, ଦୁର୍ଯ୍ୟୋଧନ ଭୂୟାଁଙ୍କୁ ୪୨୦ ଦଫାରେ ୭ ବର୍ଷ ଜେଲ ଦଣ୍ଡାଦେଶ ସହ ୧୦ ଲକ୍ଷ ଟଙ୍କା ଅର୍ଥଦଣ୍ଡରେ ଦଣ୍ଡିତ କରିଛନ୍ତି ।