କଟକ:ଦୁବାଇରେ ଆଜିଠାରୁ ଆରମ୍ଭ ହେବ IPL 2021ର ଦ୍ବିତୀୟ ପର୍ଯ୍ୟାୟ । ଆଜିର ମ୍ୟାଚରେ ଡିଫେଣ୍ଡିଂ ଚମ୍ପିଆନ୍ସ ମୁମ୍ବାଇ ଇଣ୍ଡିଆନ୍ସକୁ ଭେଟିବ ଧୋନିଙ୍କ ଚେନ୍ନାଇ ସୁପର କିଙ୍ଗ୍ସ । ଏପ୍ରିଲ 9 ତାରିଖରୁ ଭାରତରେ ଆରମ୍ଭ ହୋଇଥିବା ଏହି ଟୁର୍ଣ୍ଣାମେଣ୍ଟ କୋଭିଡ ସଂକ୍ରମଣ ଯୋଗୁଁ ବାଧାପ୍ରାପ୍ତ ହୋଇଥିଲା । ଏଥିପାଇଁ ଅବଶିଷ୍ଟ ମ୍ୟାଚ୍ ଭାରତ ବାହାରେ ଖେଳାଯିବାକୁ ସ୍ଥିର କରିଛି BCCI । ତେବେ ଏହି ମ୍ୟାଚ ଭାରତ ପାଇଁ ଲାଭ ଦାୟକ ହେବ ବୋଲି କହିଛନ୍ତି ପୂର୍ବତନ ରଣଜୀ ଖେଳାଳି ପବନ ଅଗ୍ରୱାଲ । କାରଣ ଆଇପିଏଲ ସରିବା ମାତ୍ରେ ଟି-୨୦ ବିଶ୍ବକପ୍ର ବିଗୁଲ ବାଜିବ ।
IPLରେ ଚମକିବେ ଭାରତୀୟ, ଟିମ୍ ଇଣ୍ଡିଆ ପାଖରେ ବିଶ୍ୱକପ ଟ୍ରଫି ହାତେଇବା ସୁଯୋଗ
ଚଳିତବର୍ଷ ଆଇପିଏଲ ୨୦୨୧ରେ ଅଦ୍ୟାବଧି ଖେଳାଯାଇଛି 29ଟି ମ୍ୟାଚ । 12 ପଏଣ୍ଟ ସହ ଟେବୁଲ ଶୀର୍ଷରେ ରହିଛି ଦିଲ୍ଲୀ କ୍ୟାପିଟାଲ୍ସ । ଏହାପରେ ଦ୍ବିତୀୟ ସ୍ଥାନରେ ଚେନ୍ନାଇ ସୁପରକିଙ୍ଗ୍ସ ରହିଥିବାବେଳେ ତୃତୀୟ ସ୍ଥାନରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ରହିଛି । ସେହିଭଳି ମୁମ୍ବାଇ ଇଣ୍ଡିଆନ୍ସ ୮ ପଏଣ୍ଟ ସହ ଚତୁର୍ଥ ସ୍ଥାନରେ ରହିଛି ।