ସିଏମସି ଆକାଉଣ୍ଟ ବିଭାଗର ଜଣେ କର୍ମଚାରୀଙ୍କୁ କୋରୋନା, ସିଲ ହେଲା ସେକ୍ସନ

ସିଲଭର ସିଟିରେ ବ୍ୟାପିବାରେ ଲାଗିଛି କୋରୋନା କାୟା । ଏମିତିରେ ଶନିବାର କଟକ ମହାନଗର ନିଗମ ଆକାଉଣ୍ଟ ବିଭାଗର ଜଣେ କର୍ମଚାରୀ କୋରୋନା ସଂକ୍ରମିତ ଚିହ୍ନଟ ହୋଇଛନ୍ତି ।

କଟକ: ସିଲଭର ସିଟିରେ ବ୍ୟାପିବାରେ ଲାଗିଛି କୋରୋନା କାୟା । ଏମିତିରେ ଶନିବାର କଟକ ମହାନଗର ନିଗମ ଆକାଉଣ୍ଟ ବିଭାଗର ଜଣେ କର୍ମଚାରୀ କୋରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଏହାପରେ ଆକାଉଣ୍ଟ ବିଭାଗକୁ ତୁରନ୍ତ ସାନିଟାଇଜ କରାଯିବା ସହ ଆସନ୍ତା 48 ଘଣ୍ଟା ପାଇଁ ବିଭାଗକୁ ସିଲ ରଖିବା ପାଇଁ ନିର୍ଦ୍ଦେଶ ଦିଆଯାଇଛି ।

ସେପଟେ ସଦ୍ୟ ଚିହ୍ନଟ ସଂକ୍ରମିତ କର୍ମଚାରୀଙ୍କ ସହ କାମ କରୁଥିବା ସମସ୍ତ ଅଧିକାରୀଙ୍କୁ କ୍ବାରେଣ୍ଟାଇନରେ ରହିବା ପାଇଁ ନିର୍ଦ୍ଦେଶ ଦିଆଯାଇଛି । ତେବେ ରବିବାର ସମସ୍ତ ଅଧିକାରୀଙ୍କ ସ୍ବାବ ପରୀକ୍ଷା କରାଯିବା ନେଇ ସୂଚନା ରହିଛି । ଏଥିସହ ଆକ୍ରାନ୍ତଙ୍କ କଣ୍ଟାକ୍ଟ ଟ୍ରେସିଂ ଜାରି ରହିଥିବା ନେଇ ମଧ୍ୟ ସିଏମସି ସ୍ପଷ୍ଟ କରିଛି ।

କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ