କଟକ: ଚୌଦ୍ବାର ବ୍ଲକ କହ୍ନେଇପୁର ପଞ୍ଚାୟତର ବରପଦା, ଗରୁଡଗାଁ, ଶାଳଗାଁ ଗ୍ରାମରେ ଦୁଇ ହାତୀଙ୍କ ଉପଦ୍ରବ ଦେଖିବାକୁ ମିଳିଛି। କଟକ ବନଖଣ୍ଡ ଡାଳିଯୋଡା ରେଞ୍ଜ ଅଞ୍ଚଳରେ ଥିବା ଶହଶହ ଏକର ଧାନ ଫସଲ ନଷ୍ଟ କରିଛନ୍ତି ୨ ହାତୀ । ଖବରପାଇ ଘଟଣା ସ୍ଥଳରେ ବନବିଭାଗ ପହଞ୍ଚି ହାତୀଙ୍କୁ ଘଉଡାଇବାକୁ ଜାରି ରଖିଛି ଉଦ୍ୟମ ।
ଦୁଇ ହାତୀଙ୍କ ଉପଦ୍ରବ, ଘର ଭାଙ୍ଗି ଫସଲ ନଷ୍ଟ କଲେ
ଗତ କିଛିବର୍ଷ ହେବ କପିଳାସ ଜଙ୍ଗଲରୁ ୧୨ରୁ ଉର୍ଦ୍ଧ ହାତୀପଲ ଆସି ଟାଙ୍ଗୀ ଚୌଦ୍ବାର ବ୍ଲକରେ ଆତଙ୍କ ସୃଷ୍ଟି କରିଛନ୍ତି । ରବିବାର ହାତୀପଲ ଭିତରୁ ଦୁଇ ହାତୀ ଅଲଗା ହୋଇ ଟାଙ୍ଗୀ ଚୌଦ୍ବାର ବ୍ଲକରେ ଥିବା ବିଭିନ୍ନ ଗ୍ରାମରେ ପଶି ଘରଦ୍ବାର ଭାଙ୍ଗିବା ସହ ଧାନ ବିଲରେ ପଶି ଫସଲ ନଷ୍ଟ କରିଛନ୍ତି ।