କଟକ: ଆଜି ପବିତ୍ର ଇଦ୍-ଉଲ୍-ଫିତର୍ । ଇଦ୍ର ଅର୍ଥ ଖୁସି ଓ ଫିତର ଅର୍ଥ ଦାନ । ଇଦ୍ ହେଉଛି ଦାନର ମହୋତ୍ସବ । ଏହି ପବିତ୍ର ଦିନରେ ବର୍ଷ ସାରା ଯାହା ଆୟ କରିଥିବ ତାର ଅଢ଼େଇ ଭାଗ ଗରୀବ ଓ ନିଃସହାୟ ବ୍ୟକ୍ତିଙ୍କୁ ଦାନ କଲେ ପୂଣ୍ୟ ହୁଏ ବୋଲି ବିଶ୍ବାସ ରହିଛି । ଦୀର୍ଘ ଦୁଇ ବର୍ଷ ପରେ କଟକରେ ଆଜି ଧୁମଧାମରେ ପାଳନ ହୋଇଛି ଏହି ପବିତ୍ର ପର୍ବ । ଭାଇଚାରାରା ସହର କଟକରେ ସବୁ ଧର୍ମର ଲୋକ ମିଶି ଏହି ପର୍ବକୁ ପାଳନ କରିଛନ୍ତି ।
Eid-Ul-Fitr 2022: ଧୁମଧାମରେ ଇଦ୍ ପାଳୁଛି ସିଲଭର ସିଟି
ଇସଲାମୀୟ ପରମ୍ପରା ଅନୁସାରେ ଏହି ରମଜାନ ମାସ ହିନ୍ଦୁମାନଙ୍କ କାର୍ତ୍ତିକ ମାସ ଭଳି ସବୁଠାରୁ ପୂଣ୍ୟ ଓ ପବିତ୍ର ମାସ । ମାସ ସାରା ରୋଜା (ଉପବାସ), ଏବାଦତ (ବିଶେଷ ପ୍ରାର୍ଥନା) ଏବଂ ତରାବି ନମାଜ ପାଠ କରାଯିବାର ପରମ୍ପରା ରହିଥାଏ । ଏହି କର୍ମରେ ମୁସଲମାନ ଶ୍ରଦ୍ଧାଳୁମାନେ ଭୋର ସମୟରୁ ଉଠି ଉପବାସ ରଖନ୍ତି ।