କଟକ: DRDO ତଥ୍ୟ ଲିକ ଘଟଣାର ଉଚ୍ଚସ୍ତରୀୟ ତଦନ୍ତ ପାଇଁ ହାଇକୋର୍ଟରେ ରୁଜୁ ହେଲା ଜନସ୍ବାର୍ଥ ମାମଲା । ଏନେଇ କଟକର ଜଣେ ଆଇନଜୀବୀ କୋର୍ଟଙ୍କ ଦ୍ବାରସ୍ଥ ହୋଇଥିବା ଜଣାପଡିଛି । ଏହା ଜାତୀୟ ସୁରକ୍ଷା ସମ୍ପର୍କୀତ ଗୁରୁତ୍ବପୂର୍ଣ୍ଣ ମାମଲା ହୋଇଥିବାବେଳେ ଏହାର ଉଚ୍ଚସ୍ତରୀୟ ତଦନ୍ତର ଆବଶ୍ୟକତା ରହିଛି । ତେଣୁ କ୍ରାଇମବ୍ରାଞ୍ଚ ପକ୍ଷେ ଏହାର ସଠିକ ତଦନ୍ତ ସମ୍ଭବ ନୁହେଁ ବୋଲି ଆବେଦନରେ ଦର୍ଶାଇଛନ୍ତି ଆବେଦନକାରୀ ।
ସେହିପରି ଘଟଣାର ତଦନ୍ତଭାର CBI, NIA ବା SIT ଦ୍ବାରା କରାଯିବା ନେଇ ମଧ୍ୟ କୋର୍ଟଙ୍କ ହସ୍ତକ୍ଷେପ ଲୋଡିଛନ୍ତି ଆବେଦନକାରୀ । ଏହି ଆବେଦନରେ କେନ୍ଦ୍ର ଓ ରାଜ୍ୟ ସରକାରଙ୍କ ସମେତ CBI ଓ NIA କୁ ମିଶାଇ ମୋଟ 7 ସଂସ୍ଥାକୁ ପକ୍ଷଭୁକ୍ତ କରାଯାଇଛି ।
DRDO ତଥ୍ୟ ଲିକ୍ ମାମଲା: ଉଚ୍ଚସ୍ତରୀୟ ତଦନ୍ତ ପାଇଁ ହାଇକୋର୍ଟରେ ଜନସ୍ବାର୍ଥ ମାମଲା ବର୍ତ୍ତମାନ ରାଜ୍ୟ କ୍ରାଇମବ୍ରାଞ୍ଚ ଏହି ବହୁଚର୍ଚ୍ଚିତ ଗୁପ୍ତଚର ଘଟଣାର ତଦନ୍ତ ପ୍ରଥମେ ବାଲେଶ୍ବର ପୋଲିସ ଏହି ମାମଲାର ତଦନ୍ତ କରୁଥିବାବେଳେ ପରେ ତଦନ୍ତଭାର କ୍ରାଇମବ୍ରାଞ୍ଚକୁ ହସ୍ତାନ୍ତର କରାଯାଇଥିଲା । 5 ଜଣ କର୍ମଚାରୀଙ୍କୁ ଗତ 14 ତାରିଖ ଦିନ ଗିରଫ କରି କୋର୍ଟ ଚାଲାଣ କରିବା ସହ ପରେ ସମସ୍ତ ଅଭିଯୁକ୍ତମାନଙ୍କୁ 7 ଦିନିଆ ରିମାଣ୍ଡରେ ଆଣି ଜେରା ମଧ୍ୟ କରିଥିଲା କ୍ରାଇମବ୍ରାଞ୍ଚ ।
ଏହି ଜେରାରୁ କ୍ରାଇମବ୍ରାଞ୍ଚ ହାତରେ ଲାଗିଥିଲା ଅନେକ ଗୁରୁତ୍ବପୂର୍ଣ୍ଣ ତଥ୍ୟ । ବିଶେଷ କରି ଅଭିଯୁକ୍ତମାନେ ହନି ଟ୍ରାପରେ ଫସି ଟଙ୍କା ବଦଳରେ ଏହି ସୁରକ୍ଷା ସମ୍ପର୍କିତ ଅନେକ ଗୁରୁତ୍ବପୂର୍ଣ୍ଣ ଗୋପନିୟ ତଥ୍ୟ ପାକିସ୍ତାନ ଗୁଇନ୍ଦା ସଂସ୍ଥାକୁ ଦେଇଥିବା କ୍ରାଇମବ୍ରାଞ୍ଚ ପକ୍ଷରୁ କୁହାଯାଇଥିଲା । ଏବେ କିନ୍ତୁ ଏହି ହାଇ ପ୍ରୋଫାଇଲ ମାମଲାର ତଦନ୍ତ ବିବାଦ ଏବେ ନ୍ୟାୟାଳୟରେ ପହଞ୍ଚିଛି।
କଟକରୁ ନାରାୟଣ ସାହୁ, ଇଟିଭି ଭାରତ
