କଟକ: ସୋମବାର ପୁନଃ ଧଳ ସାମନ୍ତ ଭ୍ରାତାଙ୍କ ସହ ଅନ୍ୟ ଅଭିଯୁକ୍ତମାନେ କୋର୍ଟରେ ହାଜର ହୋଇଥିଲେ । କଟକର ବହୁ ଚର୍ଚ୍ଚିତ ଦୀପୁ ଏବଂ ଓମ୍ ଡବଲ ମର୍ଡର ସହ ଡାଲି ବ୍ୟବସାୟୀ ଫାରୁକ ହତ୍ୟାକାଣ୍ଡ ମାମଲାରେ କୋର୍ଟରେ ହାଜର ହୋଇଥିଲେ ଧଳ ସାମନ୍ତ ଭ୍ରାତା । ଡବଲ ମର୍ଡର ମାମଲାରେ କୟୁମ୍ ଖାନ ନାମକ ଜଣେ ସାକ୍ଷୀଙ୍କ ସାକ୍ଷ୍ୟ ଗ୍ରହଣ କରାଯାଇଛି ।
D Brothers Gangster: ଦୁଇଟି ମାମଲାରେ କୋର୍ଟରେ ହାଜର ହେଲେ ଧଳ ସାମନ୍ତ ଭ୍ରାତା
ଡବଲ ମର୍ଡର ମାମଲାରେ ଏହି ସାକ୍ଷୀଙ୍କୁ ମିଶାଇ ମୋଟ ୧୮ ଜଣଙ୍କର ସାକ୍ଷ୍ୟ ଗ୍ରହଣ ଶେଷ ହୋଇଛି । ଏହି ମାମଲାରେ ରାଜ୍ୟର ବିଭିନ୍ନ ଜେଲ୍ରେ ଥିବା ଧଳ ସାମନ୍ତ ଭ୍ରାତାଙ୍କ ଅନ୍ୟ ସହଯୋଗୀମାନଙ୍କୁ କଡ଼ା ସୁରକ୍ଷା ମଧ୍ୟରେ କଟକ ଜିଲ୍ଲା ଜଜ କୋର୍ଟରେ ହାଜର କରାଯାଇଥିଲା । ସେହିପରି ଡାଲି ବ୍ୟବସାୟୀ ଫାରୁକ ହତ୍ୟା ମାମଲାରେ ଚିତ୍ତ ରଞ୍ଜନ ପାତ୍ରଙ୍କ ନାମକ ଜଣେ ସାକ୍ଷୀଙ୍କ ସାକ୍ଷ୍ୟ ଗ୍ରହଣ କରାଯାଇଛି ।