କଟକ: ବାସ୍ କିଛି ଘଣ୍ଟାର ଅପେକ୍ଷା । ଲେଉଟିବ କ୍ୟାଲେଣ୍ଡରର ଫର୍ଦ୍ଦ । ବଦଳିବ ତାରିଖ, ବଦଳିବ ବର୍ଷ ପୁଣି ବଦଳିବ ମାସ । ନୂଆବର୍ଷ ପାଳନ ପାଇଁ ପ୍ରସ୍ତୁତ କଟକ ବାସୀ । ସହରର ବିଭିନ୍ନ ସ୍ଥାନରେ ନୂଆବର୍ଷ ପାଳନ ପାଇଁ ପ୍ରସ୍ତୁତି ଶେଷ ହୋଇଥିବା ବେଳେ ସୁରକ୍ଷା ବ୍ୟବସ୍ଥାକୁ କଡାକଡି କରାଯିବ ବୋଲି କହିଛନ୍ତି କଟକ ଡିସିପି ।
ସୁରକ୍ଷା ଦାୟିତ୍ବରେ ୨ ଜଣ ଅତିରିକ୍ତ ଏସପିଙ୍କୁ ଦାୟିତ୍ବ ଦିଆଯାଇଥିଲା ବେଳେ ସହରର ବିଭିନ୍ନ ଥାନାକୁ ସତର୍କ ରହିବା ପାଇଁ ନିର୍ଦ୍ଦେଶ ଦିଆଯାଇଛି । ସେହିପରି ନୂଆବର୍ଷ ପାଳନ ପାଇଁ କମିସନରେଟ ପୋଲିସ ପକ୍ଷରୁ ଲାଇସେନ୍ସ ବ୍ୟବସ୍ଥା କରାଯାଇଛି । ଯେଉଁମାନେ ବିନା ଲାଇସେନ୍ସରେ ନୂଆବର୍ଷ ପାଳନ କରୁଥିବେ, ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଡିସିପି କହିଛନ୍ତି । ତେବେ ରାତି ୧୦ ଟା ପରେ ଡିଜେ ବଜାଇବା ଉପରେ ମଧ୍ୟ କଟକଣା ଲାଗୁ କରାଯାଇଛି ।
କଟକରୁ ନାରାୟଣ ସାହୁ, ଇଟିଭି ଭାରତ
