ଡଗରପଡା ବୋମାମାଡ଼ ଘଟଣା: ଖୁବଶୀଘ୍ର ଗିରଫ ହେବ ଅଭିଯୁକ୍ତ !

କଟକ ଡଗରପଡା ବୋମାମାଡ଼ ଘଟଣାକୁ ଗୋଟିଏ ଦିନ ବିତିଥିଲେ ବି ପୋଲିସ ହାତ ଖାଲି । ତେବେ ଅଭିଯୁକ୍ତକୁ ଖୁବଶୀଘ୍ର ଗିରଫ କରାଯିବା ନେଇ ସୂଚନା ଦେଇଛନ୍ତି ଡିସିପି ।

କଟକ: ଡଗରପଡା ବୋମାମାଡ଼ ଘଟଣାର ମୁଖ୍ୟ ଅଭିଯୁକ୍ତକୁ ଖୁବଶୀଘ୍ର ଗିରଫ କରାଯିବ ବୋଲି ସୂଚନା ଦେଇଛନ୍ତି କଟକ ଡିସିପି ଅଖିଲେଶ୍ଵର ସିଂହ । ପାରିବାରିକ କଳହକୁ କେନ୍ଦ୍ରକରି ଗତକାଲି (ବୁଧବାର) ବୋମାମାଡ଼ ହୋଇଥଲା। ଗୋଟିଏ ପରିବାର ମଧ୍ୟରେ ପୂର୍ବରୁ ବିବାଦ ଲାଗି ରହିଥିଲା । ଯାହାକୁ ନେଇ ବୋମାମାଡ଼ ହୋଇଥିବା ଡିସିପି ସ୍ପଷ୍ଟ କରିଛନ୍ତି।

ମା’ ହତ୍ୟାକାଣ୍ଡର ପ୍ରତିଶୋଧ ନେବାକୁ ଯାଇ ଦୁର୍ବୃତ୍ତ ନିଶାସକ୍ତ ଅବସ୍ଥାରେ ଏଭଳି କାଣ୍ଡ ଭିଆଇଥିବା ଡିସିପି ସୂଚନା ଦେଇଛନ୍ତି। ବୋମାମାଡ କରିଥିବା ଅଭିଯୁକ୍ତକୁ ଖୁବଶୀଘ୍ର ଗିରଫ କରାଯିବ ବୋଲି ଡିସିପି କହିଛନ୍ତି।

କଟକ ରୁ ନାରାୟଣ ସାହୁ ଇଟିଭି ଭାରତ