ଡି ବ୍ରଦର୍ସ ସହଯୋଗୀ ଭଜନା ଗିରଫ

ଡି ବ୍ରଦର୍ସର ଅନ୍ୟତମ ସହଯୋଗୀ ଭଜନାକୁ ଗିରଫ କରିଛି ଚାଉଳିଆଗଞ୍ଜ ଥାନା ପୋଲିସ। ଅନ୍ତରୀଣ ଜାମିନରେ ଆସି ସାକ୍ଷୀମାନଙ୍କୁ ଧମକ ଚମକ ଦେବା ଅଭିଯୋଗରେ ଗିରଫ କରିଛି ପୋଲିସ। ଅଧିକ ପଢନ୍ତୁ:

କଟକ: ଡି ବ୍ରଦର୍ସର ଅନ୍ୟତମ ସହଯୋଗୀ ଭଜନାକୁ ଗିରଫ କରିଛି ଚାଉଳିଆଗଞ୍ଜ ଥାନା ପୋଲିସ। ଅନ୍ତରୀଣ ଜାମିନରେ ଆସି ସାକ୍ଷୀମାନଙ୍କୁ ଧମକ ଚମକ ଦେବା ଅଭିଯୋଗରେ ଗିରଫ କରିଛି ପୋଲିସ।

ଗତ ୧୭ ତାରିଖରେ ଜଣେ ସାକ୍ଷୀଙ୍କୁ ଧମକ ଚମକ ଦେବା ସହ ବନ୍ଧୁକ ଦେଖାଇ ଧଳ ସାମନ୍ତଙ୍କ ବିରୋଧରେ ସାକ୍ଷୀ ନଦେବାକୁ ଧମକ ଦେଇଥିଲା। ଏନେଇ ଚାଉଳିଆଗଞ୍ଜ ଥାନାରେ ସମ୍ପୃକ୍ତ ବ୍ୟକ୍ତି ଜଣକ ଅଭିଯୋଗ କରିଥିଲେ। ତେବେ ପୋଲିସ ଏହାର ତଦନ୍ତ କରି ଭଜନାକୁ ଗିରଫ କରିଛି।

ଏଥିସହ ତାଙ୍କ ନିକଟରୁ ଗୋଟିଏ ବନ୍ଧୁକ ଓ ଜୀବନ୍ତ ଗୁଳି ଜବତ କରିଛି। ଅନ୍ତରୀଣ ଜାମିନରେ ଆସି ଭଜନା ଧଳ ସାମନ୍ତ ସଙ୍ଗଠନକୁ ମଜଭୁତ କରିବାକୁ ଯୋଜନା କରୁଥିଲା ବୋଲି କଟକ ଡିସିପି କହିଛନ୍ତି।

କଟକରୁ ନାରାୟଣ ସାହୁ, ଇଟିଭି ଭାରତ