କଲର ବମ୍‌ରେ ହୋଲି ଖେଳିବ କଟକ

ଦିନକ ପରେ ରଙ୍ଗର ପର୍ବ ହୋଲି। ଆଉ ରଙ୍ଗୀନ ହେବ ଭାଇଚାରାର ସହର କଟକ। ଚଳିତବର୍ଷ ପ୍ରାକୃତିକ ରଙ୍ଗରେ ହୋଲି ଖେଳିବ କଟକ। ଏଥର ରଙ୍ଗ ବଜାରରେ ଅବିରକୁ ପ୍ରାଧାନ୍ୟ ଦେଇଛନ୍ତି ବ୍ୟବସାୟୀ।

କଟକ: ଆଜି ଦୋଳ ପୂର୍ଣ୍ଣିମା ଆଉ କାଲି ହୋଲି। ଏନେଇ କଟକ ସହରବାସୀ ବେଶ୍ ପ୍ରସ୍ତୁତ। ରଙ୍ଗ ଦୋକାନରେ ଗ୍ରାହକଙ୍କ ବେଶ୍ ଭିଡ ଜମିଲାଣି । ଭଳିକି ଭଳି ପିଚକାରୀ ସାଙ୍ଗକୁ ରଙ୍ଗବେରଙ୍ଗ ଅବିରକୁ ନେଇ ନାନାଦି ରକମର ମାସ୍କରେ ସଜେଇ ହୋଇଛି କଟକ ରାସ୍ତାକଡର ହୋଲି ଦୋକାନ।

ତେବେ ଏବର୍ଷର ମୁଖ୍ୟ ଆକର୍ଷଣ ହେଲା କଲର୍ ବମ୍। ବମଟିକୁ ପକାଇଲେ ରଙ୍ଗ ବାହାରୁଛି।ଚଳିତବର୍ଷ ଗ୍ରାହକ ପ୍ରାକୃତିକ ରଙ୍ଗକୁ ଆପଣାଉଥିବା ବ୍ୟବସାୟୀ କହିଛନ୍ତି। ତେଣୁ ବଜାରରେ ଅବିର ହିଁ ବିକ୍ରି ହେଉଛି।

କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ