କଟକ: କୋରୋନାର ଦ୍ବିତୀୟ ଲହରୀର ବିପଦ ଟଳି ନଥିବା ବେଳେ ତୃତୀୟ ଲହରୀ ପାଇଁ ଚର୍ଚ୍ଚା ଜୋର ଧରିଛି। ସେପ୍ଟେମ୍ବରରେ ଏହି ଲହରୀ ଆସିବା କଥା କୁହା ଯାଉଥିବା ବେଳେ ଏହା ଶିଶୁ ମାନଙ୍କୁ ଅଧିକ ଆକ୍ରାନ୍ତ କରିବ ବୋଲି ବିଶେଷଜ୍ଞ ମାନେ କହିଛନ୍ତି । ତେବେ ଏହାର ମୁକାବିଲା ପାଇଁ ଏବେଠାରୁ ପ୍ରସ୍ତୁତ ହୋଇଗଲେଣି କଟକ ଜିଲ୍ଲା ପ୍ରଶାସନ।
ଜିଲ୍ଲାର ସମସ୍ତ କୋଭିଡ ହସ୍ପିଟାଲରେ ଶିଶୁ ମାନଙ୍କ ପାଇଁ ସ୍ବତନ୍ତ୍ର ବେଡ଼ ପ୍ରସ୍ତୁତ କରିବାକୁ ନିର୍ଦ୍ଦେଶ ଦିଆଯାଇଛି। ବିଶେଷକରି ବେଡ ରଖିବାକୁ ସମସ୍ତ କୋଭିଡ ହସ୍ପିଟାଲକୁ କୁହାଯାଇଛି। ସେହିପରି କଟକ ଶିଶୁ ଭବନରେ ୧୦୦ ବେଡ଼ ବିଶିଷ୍ଟ କୋଭିଡ ୱାର୍ଡ ପ୍ରସ୍ତୁତ ରଖିବାକୁ ପ୍ରକ୍ରିୟା ଆରମ୍ଭ ହୋଇଯାଇଛି। ନୂତନ ବିଲ୍ଡିଂ ରେ ଶିଶୁ ମାନଙ୍କ ପାଇଁ ସ୍ବତନ୍ତ୍ର କୋଭିଡ ହସ୍ପିଟାଲ କରାଯିବ। ତେବେ ଏଥିପାଇଁ ଆଲୋଚନା କରାଯାଇଥିବା ଏଡିଏମଓ ସୂଚନା ଦେଇଛନ୍ତି।
କଟକରୁ ନାରାୟଣ ସାହୁ, ଇଟିଭି ଭାରତ