କଟକ: ଦୁର୍ଦ୍ଦାନ୍ତ ଅପରାଧୀ ସେକ ବାବୁକୁ ଗୁରୁବାର ଏନକାଉଣ୍ଟର କରିଛି କମିଶନରେଟ ପୋଲିସ । ଏନେଇ ଆଜି (ଶୁକ୍ରବାର) ଗଣମାଧ୍ୟମ ଆଗରେ ପ୍ରତିକ୍ରିୟା ରଖିଛନ୍ତି କଟକ ଡିସିପି ପ୍ରତୀକ ସିଂ ।
ସେକ ବାବୁକୁ ଏନକାଉଣ୍ଟର ନେଇ ପ୍ରତିକ୍ରିୟା ରଖିଲେ କଟକ ଡିସିପି
ସେକ ବାବୁ ସକିଲର ଘନିଷ୍ଠ ସହଯୋଗୀ। ବାବୁ ନାମରେ ବିଭିନ୍ନ ଥାନାରେ ୨୦ ରୁ ଅଧିକ ଅପରାଧିକ ମାମଲା ରହିଛି। ଗତବର୍ଷ ଦରଘାବଜାର ଥାନା ଅଞ୍ଚଳରେ ଥିବା ଏକ ଆନନ୍ଦ ସ୍ପୋର୍ଟସ ଦୋକାନରୁ ବଟି ମାଗିଥିଲା। ଏପରିକି ବଟି ନଦେଲେ ଜୀବନରୁ ମାରିଦେଵ ବୋଲି ଧମକ ଦେଇଥିଲା। ଏନେଇ ଦୋକାନ ମାଲିକ ଦରଘାବଜାର ଥାନାରେ ମାମଲା ରୁଜୁ କରିଥିଲେ। ତେବେ ସେବେଠାରୁ ସେକ ବାବୁ ଫେରାର ହୋଇଯାଇଥିଲା। ଗତକାଲି ପୋଲିସ ଖବର ପାଇ ତାକୁ ଗିରଫ କରିବାକୁ ଯାଇଥିବା ବେଳେ ସେ ପ୍ରଥମେ ପୋଲିସ ଉପରକୁ ଗୁଳି ଚଳାଇ ଥିଲା। ଦୁଇ ପୋଲିସ ଅଧିକାରୀ ମଧ୍ୟ ଆହତ ହୋଇଥିଲେ। ନିଜର ସୁରକ୍ଷା ପାଇଁ ପୋଲିସ ଗୁଳି ଚଳାଇ ଥିଲା। ଫଳରେ ସେକ ବାବୁର ଡାହାଣ ଗୋଡ ଆଣ୍ଠୁରେ ଗୁଳି ବାଜିଥିଲା।