କଟକ: ଦୁର୍ଗାପୂଜା ନେଇ ସୋମବାରଠୁ ଟ୍ବିନସିଟିରେ ଆରମ୍ଭ ହୋଇଛି ରାତ୍ରିକାଳୀନ କର୍ଫ୍ୟୁ । ରାତି 8ଟାରୁ ସକାଳ 5ଟା ପର୍ଯ୍ୟନ୍ତ ଏହି କର୍ଫ୍ୟୁ ଲାଗୁ ହୋଇଛି। କଟକ ସହରର ବିଭିନ୍ନ ଅଞ୍ଚଳରେ କଡାକଡି କରାଯାଉଛି ଚେକିଂ। ଜୋରଦାର ଚେକିଂ ସହ ଅମାନିଆଙ୍କୁ ସାବାଡ୍ କରିବାକୁ କମିଶନରେଟ୍ ପୋଲିସ ସହରର ଗଳିକନ୍ଦିରେ ପହଁରା ମାରୁଛି ।
କଟକରେ ନାଇଟ କର୍ଫ୍ୟୁ କଡାକଡି, ନଜର ରଖିଛନ୍ତି ଡିସିପି
କଟକ ଡିସିପି ପ୍ରତୀକ ସିଂ ନିଜେ ଉପସ୍ଥିତ ରହି କର୍ଫ୍ୟୁ ତଦାରଖ କରୁଛନ୍ତି । ଯଦି କେହି ନିୟମ ଉଲ୍ଲଙ୍ଘନ କରି ରାତ୍ରିରେ ବୁଲିବେ ତେବେ ଉଲ୍ଲଙ୍ଘନକାରୀଙ୍କ ଗାଡି ଜବତ କରାଯିବା ସହ ମୋଟା ଅଙ୍କର ଫାଇନ କଟାଯିବ ବୋଲି ଚେତାବନୀ ଦେଇଛନ୍ତି ପୋଲିସ କମିଶନର ।