ରକ୍ତାଭାବ ଦୂର ପାଇଁ ଡିସିପିଙ୍କ ରକ୍ତଦାନ, ଦେଲେ ସେବାର ବାର୍ତ୍ତା

କୋରୋନା ପ୍ରଭାବରେ ସାରା ରାଜ୍ୟରେ ବର୍ତ୍ତମାନ ରକ୍ତାଭାବ ଦେଶଖା ଦେଇଥିବା ବେଳେ ଏହି ରକ୍ତାଭାବ ଦୂର କରିବା ପାଇଁ ଆଗେଇ ଆସିଛି କମିଶନରେଟ ପୋଲିସ ।

କଟକ: କୋରୋନା ପ୍ରଭାବରେ ସାରା ରାଜ୍ୟରେ ବର୍ତ୍ତମାନ ରକ୍ତାଭାବ ଦେଶଖା ଦେଇଥିବା ବେଳେ ଏହି ରକ୍ତାଭାବ ଦୂର କରିବା ପାଇଁ ଆଗେଇ ଆସିଛି କମିଶନରେଟ ପୋଲିସ । ଏନେଇ ଶନିବାର ରକ୍ତଦାନ କରି ସମାଜକୁ ରକ୍ତଦାନ କରିବାକୁ ପ୍ରେରଣା ଦେଇଛନ୍ତି କଟକ ଡିସିପି ଅଖିଳେଶ୍ବର ସିଂ ।

ରାଜ୍ୟରେ କୋରୋନା ମହାମାରୀକୁ ନେଇ କଟକଣା ବଳବତ୍ତର ରହିଥିବା ବେଳେ କେହି ରକ୍ତାଭାବର ଶିକାର ନହେଉ ବୋଲି କହିଛନ୍ତି ଡିସିପି । ଜୀବନବିନ୍ଦୁ ପକ୍ଷରୁ ସ୍ଥାନୀୟ ଚାଉଳିଆଗଞ୍ଜ ଥାନାରେ ଆୟୋଜିତ ହୋଇଥିବା ରକ୍ତଦାନ ଶିବିରରେ ଏନେଇ ରକ୍ତଦାନ କରି ସମାଜକୁ ସେବାର ବାର୍ତ୍ତା ଦେଇଛନ୍ତି ସେ ।

ଏହି ପରିପ୍ରେକ୍ଷୀରେ ସେ ଏହା ମଧ୍ୟ କହିଛନ୍ତି କି ‘ନିଜ ଅପେକ୍ଷା ଲୋକଙ୍କ ଜୀବନ ମୋର ବେଶୀ ପ୍ରିୟ’ । ଯାହା ବର୍ତ୍ତମାନ ପୋଲିସ ପକ୍ଷରୁ ଏକ ସ୍ବତନ୍ତ୍ର ବାର୍ତ୍ତା ସୃଷ୍ଟି କରିଛି ।

କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ