ଲକଡାଉନରେ ରକ୍ତାଭାବ ଦୂର କରିବ କଂଗ୍ରେସର ‘ଅମୃତଧାର’ କାର୍ଯ୍ୟକ୍ରମ

କଟକ ନଗର କଂଗ୍ରେସ ପକ୍ଷରୁ ଆରମ୍ଭ ହୋଇଛି ରକ୍ତଦାନ ଅଭିଯାନ ‘ଅମୃତଧାର’ । ସୋମବାର ବାରବାଟୀ କଟକ ବିଧାୟକ ଇଂ ମହମ୍ମଦ ମୋକିମଙ୍କ ସମେତ ନଗର କଂଗ୍ରେସର ଅନେକ ବରିଷ୍ଠ ନେତୃବୃନ୍ଦ ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ ।

କଟକ: କଟକ ନଗର କଂଗ୍ରେସ ପକ୍ଷରୁ ଆରମ୍ଭ ହୋଇଛି ରକ୍ତଦାନ ଅଭିଯାନ ‘ଅମୃତଧାର’ । ସୋମବାର ବାରବାଟୀ କଟକ ବିଧାୟକ ଇଂ ମହମ୍ମଦ ମୋକିମଙ୍କ ସମେତ ନଗର କଂଗ୍ରେସର ଅନେକ ବରିଷ୍ଠ ନେତୃବୃନ୍ଦ ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ । ରକ୍ତ ଅଭାବରୁ ଯେପରି କେହି ଅସୁବିଧାର ସମ୍ମୁଖୀନ ନ ହେବେ ତାହାକୁ ଦୃଷ୍ଟିରେ ରଖି କଂଗ୍ରେସ ଏଭଳି ନିଷ୍ପତ୍ତି ନେଇଛି ।

ତେବେ ସହରର ସମସ୍ତ ନାଗରିକଙ୍କୁ ଏହି ମହତ ଉଦ୍ଦେଶ୍ୟରେ ସାମିଲ ହେବାକୁ ଅନୁରୋଧ କରାଯିବ ବୋଲି ବିଧାୟକ ସୂଚନା ଦେଇଛନ୍ତି । ଲୋକସେବକ ମଣ୍ଡଳର ରାଷ୍ଟ୍ରୀୟ ଅଧ୍ୟକ୍ଷ ନିରଞ୍ଜନ ରଥ ଏହି କାର୍ଯ୍ୟକ୍ରମକୁ ସୋମବାର ଉଦ୍‌ଘାଟନ କରିଥିଲେ । ଏହି ଶିବିରରେ ବହୁ ସଂଖ୍ୟାରେ ରକ୍ତଦାତା ପହଞ୍ଚି ସ୍ବେଚ୍ଛାକୃତ ଭାବେ ରକ୍ତଦାନ କରିଛନ୍ତି।

କଟକରୁ ନାରାୟଣ ସାହୁ, ଇଟିଭି ଭାରତ