କଟକ: ACF ସୌମ୍ୟରଞ୍ଜନଙ୍କ ରହସ୍ୟମୟ ମୃତ୍ୟୁ ମାମଲା । ଦୁଇ ଦିନିଆ ତଦନ୍ତ ସାରି ଫେରିଲା କ୍ରାଇମବ୍ରାଞ୍ଚ । ଗତକାଲି(ଗୁରୁବାର) କ୍ରାଇମବ୍ରାଞ୍ଚ ଟିମ୍ ମୃତ ସୌମ୍ୟଙ୍କ ପତ୍ନୀ ବିଦ୍ୟାଭାରତୀଙ୍କୁ ମାରାଥନ ଜେରା କରିଥିଲା । 7 ଘଣ୍ଟାର ଜେରାରେ ତାଙ୍କୁ ପ୍ରାୟ 70ଟି ପ୍ରଶ୍ନ ପଚାରିଥିଲା ଟିମ୍ । ବିଦ୍ୟାଭାରତୀଙ୍କ ସହ ତାଙ୍କ ବାପାଙ୍କୁ ମଧ୍ୟ ପଚରାଉଚରା କରିଥିଲା କ୍ରାଇମବ୍ରାଞ୍ଚ । ତେବେ ଜେରା ସମୟରେ କ'ଣ ସବୁ ସୁରାକ୍ ହାତରେ ଲାଗିଛି ସେନେଇ କ୍ରାଇମବ୍ରାଞ୍ଚ କିଛି ସୂଚନା ଦେଇନାହିଁ ।
ACF ମୃତ୍ୟୁ ମାମଲା: ଦୁଇ ଦିନିଆ ତଦନ୍ତ ସାରି ଫେରିଲା କ୍ରାଇମବ୍ରାଞ୍ଚ
ଅନ୍ୟପଟେ ଗତ ଦୁଇ ଦିନ ମଧ୍ୟରେ 8 ଜଣଙ୍କୁ ଜେରା କରାଯାଇଛି । ପୂର୍ବ ପ୍ରସ୍ତୁତି ଅନୁଯାୟୀ ଜେରା ହୋଇଛି । ରେକର୍ଡ କରାଯାଇଥିବା ସମସ୍ତ ବୟାନକୁ ଯାଞ୍ଚ କରାଯିବ ଏବଂ ସେହି ଅନୁସାରେ ପଦକ୍ଷେପ ଗ୍ରହଣ କରାଯିବ । ଏହା ଜଣାଇଛନ୍ତି କ୍ରାଇମବ୍ରାଞ୍ଚ ପିଆରଓ ଶିଶିର କୁମାର ମିଶ୍ର ।