କଟକ: ଏଥର ନିଆରା ଢଙ୍ଗରେ ପାଳିତ ହେବ ଆଲୋକର ପର୍ବ ଦୀପାବଳୀ । ଫୁଟିବନି ବାଣ କି ପ୍ରଦୂଷଣ ହେବନି ପରିବେଶ । ସମ୍ପୂର୍ଣ୍ଣ ଭାବେ ଗ୍ରୀନ ଦୀପୋତ୍ସବ ପାଳନ । ପ୍ରଥମ ଥର ପାଇଁ ଏପରି ପ୍ରଦୂଷଣ ମୁକ୍ତ ଦୀପାବଳୀ ପାଳନ ପାଇଁ ଏକ ନିଆରା ପ୍ରୟାସ କରୁଛନ୍ତି କଟକ ନୂଆପଡାର ଗୋମାତା ସେବକ ଦମ୍ପତ୍ତି । କୋରୋନା କାଳରେ ଦୀପାବଳୀ କିପରି ହେବ ସେଥିପାଇଁ ସମସ୍ତେ ଚିନ୍ତିତ ଥିବା ବେଳେ ଏହି ଦମ୍ପତ୍ତି ଗୋମାତାଙ୍କ ବିଭିନ୍ନ ଜିନିଷ ବ୍ୟବହାର କରି ଏକ ସୁନ୍ଦର ପ୍ରଦୂଷଣ ମୁକ୍ତ ଦୀପ ତିଆରି କରୁଛନ୍ତି । ଏହି ଦୀପ ଗୋବର,ଗୋମୂତ୍ର,ଘିଅ,କ୍ଷୀର ଓ ଦହି ସହିତ ଗେରୁମାଟିର ମିଶ୍ରଣରେ ପ୍ରସ୍ତୁତ । ତେବେ ଏହାକୁ ଜାଳିଲେ ଘରେ ପ୍ରଦୂଷଣ କମିବା ସହିତ ଅମ୍ଳଜାନ ସ୍ତର ବଢିବ ବୋଲି ସେମାନେ ମତ ଦେଇଛନ୍ତି ।
ଘରେ ନିଜ ପରିବାର ସହ ୪ /୫ ଜଣ ଲୋକଙ୍କୁ ନେଇ ଦିନକୁ ୫ ଶହ ଦୀପ ପ୍ରସ୍ତୁତ କରୁଛନ୍ତି ଏମାନେ । ଗୋଟିଏ ଦୀପ ର ମୂଲ୍ୟ ଅଢେଇ ଟଙ୍କାରୁ ୩ ଟଙ୍କା ରଖାଯାଇଛି । ସେହିପରି ୧୨ ଟା ଦୀପ କୁ ୩୦ ଟଙ୍କା ମୂଲ୍ୟ ରଖାଯାଇଛି । ପ୍ରତ୍ୟକ ଦିନ ୫ ଶହରୁ ୧ ହଜାର ଦୀପ ପ୍ରସ୍ତୁତ କରାଯାଉଛି । ଏହା ସମ୍ପୂର୍ଣ୍ଣ ଶୁଦ୍ଧ ଜିନିଷରେ ତିଆରି କରାଯାଉଛି । ଏପର୍ଯ୍ୟନ୍ତ ସେମାନଙ୍କ ପାଖକୁ ୫ ହଜାର ଦୀପର ଅର୍ଡର ଆସିଲାଣି । ତେଣୁ ଏବର୍ଷ ଦୀପାବଳୀ ନୁହେଁ ବରଂ ବର୍ଷ ତମାମ ଏପରି ଗୋବର ଦୀପ ସମସ୍ତେ ବ୍ୟବହାର କରିବା ଉଚିତ । ଏହାଦ୍ୱାରା ଗୋମାତାର ରକ୍ଷଣାବେକ୍ଷଣ ହେବା ସହ ପରିବେଶ ଭଲ ରହିବ ।