କଟକ: କୋରୋନା ମାଡରେ ଧରାଶାୟୀ ହୋଇପଡିଛି ରାଜ୍ୟର କ୍ଷୁଦ୍ର ତଥା ଉଠା ବ୍ୟବସାୟ । ଲକଡାଉନ ଯୋଗୁଁ ପାଖାପାଖି ଦୁଇ ମାସରୁ ଅଧିକ ଦିନ ହେବ ବେପାର ନାହିଁ । ଫଳରେ ଏହା ଉପରେ ନିର୍ଭର କରି ଗୁଜୁରାଣ ମେଣ୍ଟାଉଥିବା ରାଜ୍ୟର ଲକ୍ଷ ଲକ୍ଷ ବ୍ୟବସାୟୀ ଗୁରୁତର ଭାବେ ପ୍ରଭାବିତ ହୋଇଛନ୍ତି ।
କ୍ଷତି ସହୁଛନ୍ତି କ୍ଷୁଦ୍ର ବ୍ୟବସାୟୀ, କେବେ ମିଳିବ ସରକାରୀ ସହାୟତା...
ଦିନକୁ ହଜାର ହଜାର ଟଙ୍କାର ବ୍ୟବସାୟ କରୁଥିବା ଏହି ବ୍ୟବସାୟୀମାନେ ଏବେ ନିଜର ଗୁଜୁରାଣ ମେଣ୍ଟାଇବାକୁ ଅସମର୍ଥ ହେଉଛନ୍ତି । ବ୍ୟବସାୟ ପାଇଁ ସର୍ତ୍ତ ମୂଳକ ଅନୁମତି ମିଳିଥିଲେ ବି ବେପାର ପୁରା ମାନ୍ଦା । ଦୋକାନ ଖୋଲି ଟାଇମ ପାସ କରିବା ଛଡା କିଛି ଲାଭ ହେଉନଥିବା ଉଠା ଦୋକାନୀ ମାନେ କହିଛନ୍ତି ।
କେବେ ବସ ଚଳାଚଳ ସ୍ବାଭାବିକ ହେବ ଆଉ କେବେ ପୂର୍ବାବସ୍ଥା ଫେରି ଆସିବ ସେ ସମୟକୁ ଅପେକ୍ଷା କରି ବସିଛନ୍ତି ଉଠା ଦୋକାନୀ । ରାଜ୍ୟରେ ପ୍ରାୟ 8 ଲକ୍ଷରୁ ଉର୍ଦ୍ଧ୍ବ ଉଠା ଦୋକାନୀ ଥିବାବେଳେ ସେଥିରୁ ମାତ୍ର 65 ରୁ 70 ହଜାର ଉଠା ଦୋକାନୀ ପଞ୍ଜିକୃତ କରିଛନ୍ତି । ରାଜ୍ୟ ସରକାର ବି ସେମାନଙ୍କୁ 3 ହଜାର ଟଙ୍କା ଲେଖାଏଁ ସହାୟତା କରିଛନ୍ତି ।