କଟକ: ରାଜ୍ୟରେ କୋରୋନାର ଦ୍ୱିତୀୟ ଲହରୀକୁ ଦୃଷ୍ଟିରେ ରଖି ରାଜ୍ୟ ସରକାର ବିବାହ ସମାରୋହରେ ଅତିଥି ସଂଖ୍ୟାରେ କଟକଣା ଲଗାଇଛନ୍ତି। ପୂର୍ବରୁ ୨୦୦ ଲୋକଙ୍କୁ ବିବାହ କାର୍ଯ୍ୟକ୍ରମରେ ଅନୁମତି ଥିବାବେଳେ ଏବେ ଏହାକୁ ୧୦୦କୁ ହ୍ରାସ କରି ଦିଆଯାଇଛି। ତେବେ ସରକାରଙ୍କ ଏହି ନିର୍ଦ୍ଦେଶ ଯୋଗୁଁ କାର୍ଡ ବ୍ୟବସାୟୀଙ୍କ ସମସ୍ୟା ବଢି ଯାଇଛି ।
କୋରୋନା ପାଇଁ କମୁଛି ବିବାହ କାର୍ଡ ଚାହିଦା, କ୍ଷତି ସହୁଛନ୍ତି ବ୍ୟବସାୟୀ
ଏତେ କମ ସଂଖ୍ୟକ ଅତିଥିଙ୍କୁ ନିମନ୍ତ୍ରଣ କରିବାକୁ କାର୍ଡ ନେଉନାହାନ୍ତି ଗ୍ରାହକ। ଯେଉଁମାନେ ନେଉଛନ୍ତି କେବଳ ୫୦ଟି କାର୍ଡରୁ ଅଧିକ କାର୍ଡ ନେଉନାହାନ୍ତି । ଯେଉଁ ସମୟରେ ହଜାର ହଜାର କାର୍ଡ ବ୍ୟବସାୟ ହେବା କଥା ଏବେ କିନ୍ତୁ ତାହା ଫିକା ପଡିଯାଇଛି । ବର୍ଷ ବର୍ଷ ଧରି ଏହି ବ୍ୟବସାୟ ଉପରେ ନିର୍ଭର କରୁଥିବା ବ୍ୟବସାୟ ବି ହାତ ବାନ୍ଧି ବସିଛନ୍ତି । ପରିବାର କେମିତି ଚାଲିବ ତାହାହିଁ ଏବେ ସେମାନଙ୍କ ଚିନ୍ତାର କାରଣ।