କଟକ: ହୋଲି ପାଳନ ଉପରେ କଟକଣା ଜାରି କରିଛନ୍ତି ରାଜ୍ୟ ସରକାର । ହୋଲି ସମୟରେ ଫଗୁ ବ୍ୟବସାୟ ଜମୁଥିଲା କିନ୍ତୁ କୋରୋନା ପାଇଁ ପ୍ରଭାବିତ ହୋଇଛି ଫଗୁ ବ୍ୟବସାୟ ।
ହୋଲି ପାଇଁ କଟକଣା,ପ୍ରଭାବିତ ଫଗୁ ବ୍ୟବସାୟୀ
ରଙ୍ଗର ପର୍ବ ହୋଲି ସମୟରେ ଫଗୁର ଚାହିଦା ଅଧିକ ରହିଥାଏ । ବିଭିନ୍ନ ରଙ୍ଗବେରଙ୍ଗର ଫଗୁ ପ୍ରସ୍ତୁତ କରି ବ୍ୟବସାୟ କରିଥାନ୍ତି । ଚଳିତ ବର୍ଷ ଏହି ବ୍ୟବସାୟ ଉପରେ ନିର୍ଭର କରୁଥିବା ବ୍ୟବସାୟୀ ମାନେ କଟକଣା ଯୋଗୁଁ ବେଶୀ ମାତ୍ରାରେ ପ୍ରଭାବିତ ହୋଇଛନ୍ତି। ପ୍ରତିବର୍ଷ ଏହି ବ୍ୟବସାୟରୁ ହଜାର ହଜାର ଟଙ୍କା ଏମାନେ ରୋଜଗାର କରିଥାଆନ୍ତି । ମାତ୍ର ଚଳିତ ବର୍ଷ କୋରୋନା କଟକଣା ଯୋଗୁଁ ନିରାଶ ହୋଇଛନ୍ତି ଏମାନେ। ଗ୍ରାହକ ରଙ୍ଗ କିଣିବାତ ଦୂରର କଥା ଫଗୁ କିଣିବାକୁ ଆସୁନାହାନ୍ତି । ହୋଲି ପୂର୍ବରୁ ଦୋକାନ ଆଗରେ ନାହିଁ ନଥିବା ଭିଡ଼ ଦେଖିବାକୁ ମିଳିଥାଏ।