କଟକରେ ତଳମୁହାଁ ସଂକ୍ରମଣ, ସଚେତନତା ରଥର ଶୁଭାରମ୍ଭ

କଟକରେ କମୁଛି କୋରୋନା ସଂକ୍ରମଣ । ସଚେତନତା ସୃଷ୍ଟି କରିବା ଉଦ୍ଦେଶ୍ୟରେ ୟୁନିସେଫ ସହଯୋଗରେ ଜିଲ୍ଲା ପ୍ରଶାସନ ପକ୍ଷରୁ ସଚେତନତା ରଥର ଶୁଭାରମ୍ଭ । ଅଧିକ ପଢନ୍ତୁ...

କଟକ:କୋରୋନା ଦ୍ବିତୀୟ ଲହର ଯୋଗୁଁ ଜିଲ୍ଲାରେ ଢେର ବୃଦ୍ଧି ପାଇଥିଲା ସଂକ୍ରମଣ। ହେଲେ ଏବେ ସଂକ୍ରମଣ ଧୀରେ ଧୀରେ ତଳ ମୁହାଁ ହେବାରେ ଲାଗିଛି । ଲୋକଙ୍କ ମଧ୍ୟରେ ସଚେତନତା ଅଭାବ ଯୋଗୁଁ ସଂକ୍ରମଣ ବୃଦ୍ଧି ପାଇଥିଲା । ତେଣୁ ସଚେତନତା ସୃଷ୍ଟି କରିବା ଉଦ୍ଦେଶ୍ୟରେ ୟୁନିସେଫ ସହଯୋଗରେ କଟକ ଜିଲ୍ଲା ପ୍ରଶାସନ ପକ୍ଷରୁ ସଚେତନତା ରଥର ଶୁଭାରମ୍ଭ କରାଯାଇଛି।

ଜିଲ୍ଲା ପ୍ରଶାସନ ଅଧିକାରୀଙ୍କ ଉପସ୍ଥିତରେ ଭବାନୀ ଶଙ୍କର ଚୟନି ଏହି ରଥର ଶୁଭାରମ୍ଭ କରିଥିଲେ । ଏହି ରଥ କଟକ ଜିଲ୍ଲାର ସମସ୍ତ 14 ଟି ବ୍ଲକରେ ବୁଲିବୁଲି ଲୋକଙ୍କୁ ସଚେତନ କରାଇବ । ଏହି ରଥ ଦ୍ବାରା ଅଡିଓ ଓ ଭିଡ଼ିଓ ମାଧମରେ ଲୋକଙ୍କୁ ସଚେତନ କରାଯିବ । ଲୋକ ସଚେତନ ହେଲେ ହିଁ କୋରୋନାକୁ ଦୂରେଇ ପାରିବ ବୋଲି କହିଛନ୍ତି କଟକ ଜିଲ୍ଲାପାଳ ।

କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ