କଟକ: ଗତକାଲି ଆଠଗଡ଼ ଖୁଣ୍ଟୁଣୀଠାରେ ହୋଇଥିବା ଲୁଟ ଘଟଣାରେ ଅଭିଯୁକ୍ତକୁ ଗିରଫ କରିଛି ପୋଲିସ । ହେଲେ ଆଶ୍ଚର୍ଯ୍ୟର କଥା ହେଉଛି ଖୋଦ ଅଭିଯୋଗକାରୀ ହେଉଛି ଲୁଟେରା।
ଅଭିଯୁକ୍ତ ସନ୍ତୋଷ କୁମାର ରାଜା ଗତ ମଙ୍ଗଳବାର ୧୮ ଲକ୍ଷ ଟଙ୍କା ଲୁଟ ହୋଇଥିବା ନେଇ ଥାନାରେ ଅଭିଯୋଗ କରିଥିଲା। ଏ ଅଭିଯୋଗ ପାଇବା ପରେ ଅଭିଯୋଗକାରୀଙ୍କ ଉପରେ ପୋଲିସର ସନ୍ଦେହ ହୋଇଥିଲା। ଫଳରେ ଅଭିଯୋଗକାରୀଙ୍କ ଘରେ ଯାଞ୍ଚ କରିଥିଲା ପୋଲିସ ।
ଯାଞ୍ଚ ସମୟରେ ସନ୍ତୋଷଙ୍କ ବେଡ୍ ତଳୁ ନଗଦ ୧୫ ଲକ୍ଷ ୩୦ ହଜାର ଟଙ୍କା ଜବତ କରିଥିଲା ପୋଲିସ । ତେବେ ଏନେଇ ପଚରା ଉଚରା କରିବାରୁ ସେ ସମସ୍ତ କଥା ସ୍ଵୀକାର କରିଥିଲା । ଏହାସହ ଅଭିଯୁକ୍ତ ସନ୍ତୋଷ ନିଜ ସମ୍ପର୍କୀୟ ରାକେଶ ସାହୁଙ୍କୁ ୨ ଲକ୍ଷ ୬୬ ହଜାର ଟଙ୍କା ଦେଇଥିବା ମାନିଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ