କଟକ: ବାଲିଯାତ୍ରାରେ ଇସ୍ରୋ ବସ୍ । ଲୋକଙ୍କୁ ଦେଉଛି ଭାରତୀୟ ଉପଗ୍ରହ ଗବେଷଣା ବାବଦରେ ସୂଚନା । ଶ୍ରୀହରିକୋଟାରୁ ଆସିଥିବା ଏହି ସ୍ପେଶାଲ ବସରେ ଦର୍ଶକଙ୍କ ପାଇଁ ଡିସପ୍ଲେ ହୋଇଛି ଇସ୍ରୋ ଉତକ୍ଷେପଣ କରିଥିବା ଉପଗ୍ରହ ଓ ରକେଟର ମଡେଲ । ଚନ୍ଦ୍ରଯାନ-1, ଚନ୍ଦ୍ରଯାନ-2 ସହିତ ମିଶନ ମାର୍ସ ଓ ବିଭିନ୍ନ ସାଟେଲାଇଟର ମଡେଲକୁ ପାଖରୁ ଦେଖୁଛନ୍ତି ଲୋକେ । ଏଗୁଡିକୁ ଲୋକଙ୍କୁ ଦେଖାଇବା ସହ ସବିଶେଷ ତଥ୍ୟ ଦେଉଛନ୍ତି ଇସ୍ରୋର ଟେକନିସିଆନ ଟିମ୍ ।
ବାଲିଯାତ୍ରାରେ ଚନ୍ଦ୍ରଯାନ-2, ଇସ୍ରୋ ବସରେ ଜମୁଛି ଭିଡ
ସେପଟେ ଏହି ବିଶେଷ ଆକର୍ଷଣକୁ ବାଲିଯାତ୍ରା ଦେଖିଆସିଥିବା କୌଣସି ବି ଦର୍ଶକ ହାତଛଡା କରୁନାହାଁନ୍ତି । ମହାକାଶ ବିଜ୍ଞାନ ସମ୍ପର୍କରେ କେବଳ ବହିରେ ପଢୁଥିବାରୁ ସ୍କୁଲ ଓ କଲେଜ ଛାତ୍ରଛାତ୍ରୀ ଏହାର ଭରପୂର ଫାଇଦା ଉଠାଉଛନ୍ତି । ଇସ୍ରୋର ଏହି ପ୍ରୟାସକୁ ସେମାନେ ଧନ୍ୟବାଦ ଜଣାଇଛନ୍ତି ।