କଟକ ପୀର ବଜାରରୁ 28 ଲକ୍ଷରୁ ଉର୍ଦ୍ଧ୍ବ ଟଙ୍କାର ଧଳାଜହର ଜବତ, ଜଣେ ଗିରଫ

ପୀର ବଜାର ଅଞ୍ଚଳରୁ ୨୭୫ ଗ୍ରାମର ବ୍ରାଉନସୁଗାର ଜବତ। ଏହି ଘଟଣାରେ ଜଣଙ୍କୁ ଗିରଫ କରିଛି କଟକ କେନ୍ଦ୍ରୀୟ ଅବକାରୀ ଗୁଇନ୍ଦା ବିଭାଗ ।

କଟକ: ପୀର ବଜାର ଅଞ୍ଚଳରୁ ୨୭୫ ଗ୍ରାମର ବ୍ରାଉନସୁଗାର ଜବତ। ଜବତ ବ୍ରାଉନସୁଗାରର ହାରାହାରି ମୂଲ୍ୟ ୨୮ ଲକ୍ଷ ଟଙ୍କାରୁ ଅଧିକ ହେବ ବୋଲି ଜଣାପଡିଛି। ଏହି ଘଟଣାରେ ଜଣଙ୍କୁ ଗିରଫ କରିଛି କେନ୍ଦ୍ରୀୟ ଅବକାରୀ ଗୁଇନ୍ଦା ବିଭାଗ ।

ଗିରଫ ହୋଇଥିବା ଅଭିଯୁକ୍ତ ଜଣକ ହେଉଛନ୍ତି କର୍ଣ୍ଣ ଚନ୍ଦ୍ର ଦାଶ। ସେ ଜଳେଶ୍ବର ଅଞ୍ଚଳରୁ ବ୍ରାଉନସୁଗାର ଆଣି କଟକ ଓ ଭୁବନେଶ୍ୱରରେ ବିକ୍ରି କରୁଥିଲା। ସେ ବିଶେଷକରି ଛାତ୍ର ଓ ଯୁବକଙ୍କୁ ସେ ଟାର୍ଗେଟ କରୁଥିଲା। ସୋମବାର ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି କେନ୍ଦ୍ରୀୟ ଅବକାରୀ ବିଭାଗ।

କଟକରୁ ନାରାୟଣ ସାହୁ, ଇଟିଭି ଭାରତ