ମୋତେ ବାଡେଇଲା ମୁଁ ମାରିଦେଲି: ମାହାଙ୍ଗା ଡବଲ ମର୍ଡରର ଅଭିଯୁକ୍ତ

ମାହାଙ୍ଗା ଡବଲ ମର୍ଡର ଘଟଣା । ଗିରଫ ହୋଇଥିବା ସମସ୍ତ ୪ ଜଣ ଅଭିଯୁକ୍ତଙ୍କୁ କୋର୍ଟ ଚାଲାଣ କଲା ପୋଲିସ । ଅଧିକ ପଢନ୍ତୁ...

କଟକ:ମାହାଙ୍ଗା ଡବଲ ମର୍ଡର ଘଟଣାରେ ଗିରଫ ହୋଇଥିବା ସମସ୍ତ ୪ ଜଣ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି । ତେବେ ବୁଧବାର କୋର୍ଟ ଚାଲାଣବେଳେ ହତ୍ୟାକାଣ୍ଡ ନେଇ ପ୍ରତିକ୍ରିୟା ରଖିଥିଲା ମୁଖ୍ୟ ଅଭିଯୁକ୍ତ ପଞ୍ଚାନନ ସେଠୀ । କୁଳମଣି ଓ ତାଙ୍କର ଦୁଇ ପୁଅ ଘରେ ପଶି ମାଡ ମାରିଥିଲେ । ଏବଂ ସେଥିପାଇଁ ସେ ଏହି ହତ୍ୟାକାଣ୍ଡ ଘଟାଇଥିଲା ବୋଲି ଗଣମାଧ୍ୟମକୁ କହିଛି ।

ସେପଟେ ଏହି ଘଟଣାରେ ପୋଲିସ କୈଳାଶ ଖଟୁଆ ନାମକ ଆଉ ଜଣେ ଅଭିଯୁକ୍ତକୁ ଗିରଫ କରିଥିବାବେଳେ ତାଙ୍କୁ (ଗୁରୁବାର) ଆସନ୍ତାକାଲି କୋର୍ଟ ଚାଲାଣ କରାଯିବ । ଏହାସହ ଫେରାର ଥିବା ଅନ୍ୟ ଅଭିଯୁକ୍ତମାନଙ୍କୁ ଧରିବା ପାଇଁ ଉଦ୍ୟମ ଜାରି ରହିଛି ବୋଲି ପୋଲିସ ପକ୍ଷରୁ କୁହାଯାଇଛି ।

କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ