କଟକ: ଓଡିଶା ଗସ୍ତରେ ଆସୁଛନ୍ତି କେନ୍ଦ୍ର ରେଳମନ୍ତ୍ରୀ ଅଶ୍ବିନୀ ବୈଷ୍ଣବ । ଆସନ୍ତା ୧୬ ତାରିଖରୁ ରେଳମନ୍ତ୍ରୀଙ୍କ ଓଡିଶା ଗସ୍ତ ଆରମ୍ଭ ହେଉଛି । ତେଣୁ କଟକ ରେଳ ଷ୍ଟେସନର ନବକଳେବର ହେବା ନେଇ ଆଶା ରଖିଛି କଟକ ନଗର ବିଜେପି । ପୂର୍ବରୁ ଷ୍ଟେସନରେ ସବୁ ଦିଗରୁ ବିକାଶ ହେବା ନେଇ ରେଳମନ୍ତ୍ରୀଙ୍କୁ ଚିଠି ଲେଖିଥିଲା ନଗର ବିଜେପି ।
କଟକ ରେଳ ଷ୍ଟେସନର ନବକଳେବର ପାଇଁ ନଗର ବିଜେପିର ୪ ଦାବି
ବିଶେଷ କରି 4ଟି ଦିଗ ପ୍ରତି କେନ୍ଦ୍ର ସରକାରରେ ଥିବା ଓଡ଼ିଆ ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ଧ୍ୟାନ ଦେବେ ବୋଲି ଆଶା ରଖିଛି କଟକ ନଗର ବିଜେପି । ପ୍ରଥମତଃ କଟକ ଷ୍ଟେସନରୁ ସବୁ ଟ୍ରେନ ଯାତାୟତ କରୁ । ଏହାସହ ଅନେକ ଟ୍ରେନ କଟକରୁ ଛାଡି ଭୁବନେଶ୍ୱର ରେଳ ଷ୍ଟେସନରୁ ଛାଡି ଥାଏ । ଯାହାଦ୍ୱାରା କଟକ ଓ ନିକଟବର୍ତ୍ତୀ ଅଞ୍ଚଳର ଲୋକମାନେ ଅନେକ ଅସୁବିଧାର ସମୁଖୀନ ହେଉଛନ୍ତି ।