କଟକ: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ କଟକ ଗସ୍ତ ପୂର୍ବରୁ କଂଗ୍ରେସ ଛାଡି ବିଜେଡିରେ ମିଶିଲେ ଶତାଧିକ କଂଗ୍ରେସ କର୍ମୀ । ମୁଖ୍ୟମନ୍ତ୍ରୀଙ୍କ କାର୍ଯ୍ୟକଳାପରେ ଅନୁପ୍ରାଣିତ ହୋଇ ବିଜେଡିରେ ସାମିଲ ହୋଇଛନ୍ତି ଯୁବ ନେତା ମହମ୍ମଦ ଆକ୍ରମ ଓ ଶତାଧିକ ଦଳୀୟ କର୍ମୀ । ଆଗମୀ ପୌରନିର୍ବାଚନ ପୂର୍ବରୁ ଏହି ମିଶ୍ରଣ ପର୍ବ ବିଜେଡିକୁ କରିଛି ମଜବୁତ।
BJD Joining Programme: ମୁଖ୍ୟମନ୍ତ୍ରୀ କଟକ ଗସ୍ତ ପୂର୍ବରୁ ବିଜେଡିରେ ମିଶିଲେ କଂଗ୍ରେସ କର୍ମୀ
କଟକ ବାରବାଟୀ ଯୁବ କଂଗ୍ରେସ ନେତା ମହମ୍ମଦ ଆକ୍ରମଙ୍କ ନେତୃତ୍ବରେ ଯୁବ କଂଗ୍ରେସ କର୍ମୀ ଆଜି ବିଜେଡି ଜିଲ୍ଲା ସଭାପତିଙ୍କ ଉପସ୍ଥିତିରେ ବିଜେଡିରେ ବିଧିବଦ୍ଧ ଭାବେ ଯୋଗଦାନ କରିଛନ୍ତି। ବାରବାଟୀ ବିଧାୟକ ମହମ୍ମଦ ମୋକିମ ଯେଉଁ ପ୍ରତିଶୃତି ଦେଇଥିଲେ ତାହା ପାଳନ କରିପାରି ନାହାଁନ୍ତି ବୋଲି କଂଗ୍ରେସ ଛାଡିଥିବା ନେତା କହିଛନ୍ତି । ବିଧାୟକଙ୍କ ଉପରେ କର୍ମୀ ଅସନ୍ତୁଷ୍ଟ ହୋଇ କଂଗ୍ରେସ ଦଳ ଛାଡି ବିଜେଡିରେ ସାମିଲ ହୋଇଛନ୍ତି ବୋଲି ଯୁବ ନେତା ମହମ୍ମଦ ଆକ୍ରମ କହିଛନ୍ତି।