କଟକ:ମହଙ୍ଗା ପଡିଲା ସିିଏମସିର ନିୟମ ଭାଙ୍ଗିବା । ସିଲ ହେଲା ବଜାର କୋଲକତା ସପିଂ ମଲ୍(Bazar Kolkata Shopping Mall Sealed) । କଟକ ମହାନଗର ନିଗମ(Cuttack municipal corporation)ର ନିୟମ ଉଲ୍ଲଂଘନ କରିଥିବାରୁ ସିଡିଏ 7 ନମ୍ବରରେ ଥିବା ବଜାର କୋଲକତା ସପିଂ ମଲକୁ ସିଲ୍ କରିଛି ସିଏମସି ଏନ୍ଫୋର୍ସମେଣ୍ଟ ଟିମ(CMC Enforcement Team) । ବେଆଇନ ପାର୍କିଂ, ବିଲ୍ଡିଂ ନିର୍ମାଣରେ ଅବୈଧ କାରବାର ଓ ହୋଲ୍ଡିଂ ଟ୍ୟାକ୍ସ ଗୋଦାମ ଉଦ୍ଦେଶ୍ୟରେ ନେଇ ମଲ ଖୋଲିବା ଘଟଣାରେ ମଲକୁ କାରଣ ଦର୍ଶାଅ ନୋଟିସ ଜାରି କରାଯାଇ ସିଏମସି ଏନ୍ଫୋର୍ସମେଣ୍ଟ ଟିମ ମଲ୍କୁ ସିଲ୍ କରିଛି ।
ଯେତେ ଦିନ ପର୍ଯ୍ୟନ୍ତ ମଲ୍ କତ୍ତୃପକ୍ଷ ଏହି ଦିଗରେ ସଠିକ ପ୍ରମାଣ ପତ୍ର ପ୍ରଦାନ କରି ନାହାନ୍ତି ସେତେଦିନ ପର୍ଯ୍ୟନ୍ତ ବଜାର କୋଲକାତା ସପିଂ ମଲ ସିଲ୍ ହୋଇ ରହିବ । ଏହାଛଡ଼ା କଟକରେ ଆହୁରି ଅନେକ ମଲ ରହିଛି ଯେଉଁ ଗୁଡିକ ଆଗାମୀ ଦିନରେ ଚଢ଼ାଉ କରିବ ସିଏମସି । ମଲର ସମସ୍ତ ଦସ୍ତାବିଜକୁ ଯାଞ୍ଚ ମଧ୍ୟ କରିବ ସିଏମସି ଟିମ । ଯଦି ମଲ ତରଫରୁ କୌଣସି ତୃଟି ପରିଲକ୍ଷିତ ହୁଏ ତେବେ ସଙ୍ଗେ ସଙ୍ଗେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।