କଟକ:ଘର କଡରେ ଲୁଚି ରହିଥିଲା ନରହନ୍ତା ହାତୀ । ବୃଦ୍ଧା ଘର ବାହାରକୁ ଯାଉଥିବା ସମୟରେ ହାତୀ କଲା ଆକ୍ରମଣ । ଚିକିତ୍ସାଧୀନ ଅବସ୍ଥାରେ ବୃଦ୍ଧାଙ୍କ ମୃତ୍ୟୁ । କଟକ ଜିଲ୍ଲା ଡାଳିଯୋଡା ରେଞ୍ଜ ଅନ୍ତର୍ଗତ ମଇଁଷାଲଣ୍ଡା ପଞ୍ଚାୟତରୁ ସାମ୍ନାକୁ ଆସିଛି ଏହି ଅଭାବନୀୟ ଘଟଣା । ମୃତା ହେଉଛନ୍ତି ସରୋଜିନୀ ଜେନା ।
ହାତୀ ରୂପରେ ଲୁଚିଥିଲା ଯମ, ନେଇଗଲା ବୃଦ୍ଧା ଜୀବନ
ସୂଚନାଯୋଗ୍ୟ, ବୃଦ୍ଧା ଜଣକ ରବିବାର ବଡି ଭୋରରୁ ଉଠି ଘର ବାହାରକୁ ଆସିଥିଲେ । ଏହି ସମୟରେ ଘର ପାର୍ଶ୍ବରେ ପୂର୍ବରୁ ଲୁଚି ରହିଥିବା ଏକ ହାତୀ ତାଙ୍କୁ ଆକ୍ରମଣ କରିଥିଲା । ଗୁରୁତର ଅବସ୍ଥାରେ ବୃଦ୍ଧାକୁ ସ୍ଥାନୀୟ ଲୋକେ ଉଦ୍ଧାର କରି ଆମ୍ବୁଲାନ୍ସ ଯୋଗେ କଟକ ବଡ ମେଡିକାଲରେ ଭର୍ତ୍ତି କରିଥିଲେ । ସେଠାରେ ତାଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଛି ।