ଆତ୍ମସମର୍ପଣ କଲା ଗ୍ୟାଙ୍ଗଷ୍ଟର ହାଇଦରର ସହଯୋଗୀ

10:38 April 12

କଟକ ଚାଉଳିଆଗଞ୍ଜରେ ଆତ୍ମସମର୍ପଣ କଲା ହାଇଦରର ସହଯୋଗୀ ୟାକୁବ ।

କଟକ: କୁଖ୍ୟାତ ଅପରାଧୀ ଫେରାର ପ୍ରସଙ୍ଗ । ପୋଲିସ ନିକଟରେ ଆଜି ଆତ୍ମସମର୍ପଣ କରିଛି ସହଯୋଗୀ ୟାକୁବ ଖାଁ ଓରଫ ସାଲୁ । ଏସସିବି ମେଡିକାଲରୁ ହାଇଦରକୁ ଫେରାର କରିବାରେ ସହଯୋଗ କରିଥିଲା ୟାକୁବ । ସହଯୋଗୀର ଆତ୍ମସମର୍ପଣ ଏବେ ହାଇଦର ଠିକଣା ମିଳିପାରେ ।

କଟକ ଚାଉଳିଆଗଞ୍ଜ ପୋଲିସ ନିକଟରେ ସାଲୁ ଆତ୍ମସମର୍ପଣ କରିଛି। ଆତ୍ମସମର୍ପଣ ସମୟରେ ସାଲୁ ସ୍ପେଶାଲ ସେଲ ଉଠାଇ ନେଇଛି ।ମେଡିକାଲରେ ଚିକିତ୍ସା ଚାଲିଥିବା ସମୟରେ ହାଇଦରକୁ ଭେଟିଥିଲା ୟାକୁବ। ଏହା ସହ ସେ ତାକୁ ବିରୀୟନି ମଧ୍ୟ ଖାଇବାକୁ ଦେଇଥିଲା । ତେବେ ଆତ୍ମସମର୍ପଣ କରିବା ସହ ସେ ପୋଲିସକୁ ସମସ୍ତ ପ୍ରକାରର ସହଯୋଗ କରିବ ବୋଲି କହିଛିି ୟାକୁବ।

ସାଲୁର ଆତ୍ମସମର୍ପଣ ପରେ ହାଇଦରକୁ ଫେରାର କରିବାରେ କିପରି ସହଯୋଗ କରିଥିଲା ଓ କାହିଁକି ସେନେଇ ପୋଲିସ ପ୍ରଶ୍ନ ପଚାରିପାରେ । ଆଉ ଏଥରେ କିଏ କିଏ ସାମିଲ ରହିଥିଲେ । ଏପରିକି ହାଇଦର କେଉଁଠି ସେନେଇ ମଧ୍ୟ ଜବାବ ମିଳିପାରେ ।  

ଶନିବାର କଟକ ଏସସିବି ମେଡିକାଲରୁ ଅପରାଧୀ ହାଇଦର ଫେରାର ହୋଇଛି । ଏସସିବି ସର୍ଜରୀ ନମ୍ବର କ୍ୟାବିନରେ ଚିକିତ୍ସିତ ହେଉଥିବା ସମୟରେ ଚମ୍ପଟ ମାରିଥିବା ସୂଚନା । କିଛି ଦିନ ପୂର୍ବେ ଏସସିବି ଆସି ଚିକିତ୍ସିତ ହେଉଥିଲା ଗ୍ୟାଙ୍ଗଷ୍ଟାର ହାଇଦର । ହାଇଦର ନିୟୋଜିତ ହୋଇଥିବା ସୁରକ୍ଷାକର୍ମୀଙ୍କୁ ନିଶା ଖୁଆଇ ଫେରାର ହୋଇଥିବା ସୂଚନା ମିଳିଥିଲା ।  

କଟକରୁ ନାରାୟଣ ସାହୁ, ଇଟିଭି ଭାରତ