କଟକ: ଶେଷ ହୋଇଛି ୨୪ ତମ ସର୍ବ ଭାରତୀୟ ଆଇନଜୀବୀ କ୍ରିକେଟ ଟୁର୍ଣ୍ଣାମେଣ୍ଟ (All India lawyers cricket tournament) । କଟକର ଡ୍ରିମ୍ସ କ୍ରିକେଟ ଗ୍ରାଉଣ୍ଡରେ ଅନୁଷ୍ଠିତ ଟୁର୍ଣ୍ଣାମେଣ୍ଟରେ ଦିଲ୍ଲୀ ହାଇକୋର୍ଟ ବାର ଆସୋସିଏସନ ଓ ମାଡ୍ରାସ ହାଇକୋର୍ଟ ବାର ଆସୋସିଏସନ ମଧ୍ୟରେ ଫାଇନାଲ ଫାଇଟ ହୋଇଥିଲା । 25 ରନରେ ମାଡ୍ରାସ ହାଇକୋର୍ଟ ବାର ଆସୋସିଏସନକୁ ହରାଇ ଟାଇଟଲ ହାସଲ କରିଛି ଦିଲ୍ଲୀ ହାଇକୋର୍ଟ ବାର ଆସୋସିଏସନ ।
ବାଜି ମାରିଲା ଦିଲ୍ଲୀ ବାର ଆସୋସିଏସନ
ଦିଲ୍ଲୀ ପ୍ରଥମେ ବ୍ୟାଟିଂ କରି ୨୦ ଓଭରରେ ୨ଟି ୱିକେଟ ହରାଇ ୧୯୫ ରନ ସଂଗ୍ରହ କରିଥିଲା । ଜବାବରେ ମାଡ୍ରାସା ୧୯ ଓଭରରେ ୧୭୦ ରନ୍ ସଂଗ୍ରହ କରି ଅଲ୍ ଆଉଟ୍ ହୋଇଥିଲା । ପରିଣାମ ଦିଲ୍ଲୀ ୨୫ ରନରେ ମ୍ୟାଚକୁ ହାତେଇ ନେଇଥିଲା । ଦିଲ୍ଲୀର ପ୍ରଦୀପ ଯାଦବ ମୋଟ ୨୬୬ ରନ ସଂଗ୍ରହ କରି ଶ୍ରେଷ୍ଠ ବ୍ୟାଟ୍ସମ୍ୟାନ ବିବେଚିତ ହୋଇଛନ୍ତି । ୬୩ ବଲରୁ ୯୭ ରନ ସଂଗ୍ରହ କରିଥିଲେ ପ୍ରଦୀପ । ମ୍ୟାନ ଅଫ ଦି ମ୍ୟାଚ ପୁରସ୍କାର ପାଇଛନ୍ତି ପ୍ରଦୀପ ।