ସାଲେପୁର ନାବାଳିକା ଦୁଷ୍କର୍ମ-ହତ୍ୟା ମାମଲା: ମୁଖ୍ୟ ଅଭିଯୁକ୍ତ ମୁସ୍ତାକ ଦୋଷୀ ସାବ୍ୟସ୍ତ

ତୃତୀୟ ଅତିରିକ୍ତ ଜିଲ୍ଲା ଦୌରାଜଜ ସାଲେପୁର ନାବାଳିକା ଦୁଷ୍କର୍ମ ଓ ହତ୍ୟା ମାମଲାରେ ମୁଖ୍ୟ ଅଭିଯୁକ୍ତ ମହମ୍ମଦ ମୁସ୍ତାକ ଦୋଷୀ ସାବ୍ୟସ୍ତ ।

କଟକ: ଦୋଷୀ ସାବ୍ୟସ୍ତ ହେଲା ସାଲେପୁର ନାବାଳିକା ଦୁଷ୍କର୍ମ ଓ ହତ୍ୟା ମାମଲାରେ ମୁଖ୍ୟ ଅଭିଯୁକ୍ତ ମହମ୍ମଦ ମୁସ୍ତାକ। ତୃତୀୟ ଅତିରିକ୍ତ ଜିଲ୍ଲା ଦୌରାଜଜ ମୁସ୍ତାକକୁ ଦୋଷୀ ସାବ୍ୟସ୍ତ କରିଛନ୍ତି।

ତେବେ ଆଇପିସି ଧାରା 363,302,376 (a)(b), ଏବଂ 6 ପୋକ୍ସୋ ଆକ୍ଟ ଧାରାରେ ଦୋଷୀ ସାବ୍ୟସ୍ତ କରିଛନ୍ତି କୋର୍ଟ । ଆସନ୍ତାକାଲି(ଗୁରୁବାର) ତାକୁ ଦଣ୍ଡ ବିଧାନ କରାଯିବ ।

ସୂଚନାଯୋଗ୍ୟ ଗତ 2018 ,ଏପ୍ରିଲ 28 ତାରିଖରେ ଅଭିଯୁକ୍ତ ମହମ୍ମଦ ମୁସ୍ତାଫ ନିଜ ଗ୍ରାମର 6 ବର୍ଷର ନାବାଳିକାକୁ ଚକଲେଟ ଦେଇ ଗ୍ରାମର ସ୍କୁଲ ପରିସରରେ ଦୁଷ୍କର୍ମ କରିବା ସହ ପ୍ରମାଣକୁ ନଷ୍ଟ କରିବା ପାଇଁ ତାଙ୍କୁ ହତ୍ୟା କରିଥିଲା। ଏହି ମାମଲାରେ 23 ଜଣଙ୍କୁ ସାକ୍ଷୀ ପ୍ରଦାନ କରିଥିଲେ ।

କଟକରୁ ନାରାୟଣ ସାହୁ, ଇଟିଭି ଭାରତ