କଟକ:ମହଙ୍ଗା ପଡିଲା ସୋସିଆଲ ମିଡିଆରେ ପ୍ରେମ । ନାବାଳିକାର ଅଶ୍ଳୀଳ ଓ ଆପତ୍ତିଜନକ ଭିଡିଓ ସୋସିଆଲ ମିଡିଆରେ ଭାଇରାଲ କରି ବନ୍ଧା ହେଲା ବିହାରର ପ୍ରକାଶ କୁମାର ନାମକ ଜଣେ ଯୁବକ । ଉକ୍ତ ଯୁବକକୁ ଗୁଜୁରାଟରୁ ବାନ୍ଧିଛି କଟକ ସିଡିଏ ଫେଜ-2 ଥାନା ପୋଲିସ।
ସୋସିଆଲ ମିଡିଆରେ ପ୍ରେମ ଓ ବ୍ଲାକମେଲ, ଯୁବକ ଗିରଫ
ଅଭିଯୁକ୍ତ ଯୁବକ ପ୍ରକାଶ ଓ କଟକ ଫେଜ-2 ଥାନା ଅଞ୍ଚଳର ଜଣେ ନାବାଳିକାଙ୍କ ମଧ୍ୟରେ ସୋସିଆଲ ମିଡିଆରେ ପ୍ରଥମେ ବନ୍ଧୁତା ଓ ପରେ ପ୍ରେମ ସମ୍ପର୍କ ଗଢିଉଠିଥିଲା। ସମ୍ପର୍କ ନିବିଡ ହେବା ପରେ ହ୍ବାଟ୍ସଆପ ଭିଡିଓ କଲରେ ଉଭୟ ନାବାଳିକା ଓ ଯୁବକ କଥାବାର୍ତ୍ତା ହୋଇଥିଲେ । ସେହି ଅନ୍ତରଙ୍ଗ ମହୁର୍ତ୍ତର ରେକର୍ଡ କରି ଇନଷ୍ଟାଗ୍ରାମରେ ପୋଷ୍ଟ କରିବା ସହ ନାବାଳିକାର ପରିବାର ଲୋକଙ୍କୁ ଭିଡ଼ିଓ ପଠେଇ ବ୍ଲାକମେଲ କରୁଥିଲା ସମ୍ପୃକ୍ତ ଯୁବକ।