କଟକ: ବିଧାୟକଙ୍କ କ୍ୱାର୍ଟର ନିର୍ମାଣ ପାଇଁ ଗଛ କାଟିବା ପ୍ରସଙ୍ଗକୁ ନେଇ ହାଇକୋର୍ଟରେ ଏକ ଜନସ୍ବାର୍ଥ ମାମଲା ରୁଜୁ କରାଯାଇଛି । ସମାଜସେବୀ ଜୟନ୍ତ ଦାସଙ୍କ ପକ୍ଷରୁ ହାଇକୋର୍ଟରେ ଏହି ଜନସ୍ବାର୍ଥ ମାମଲା ରୁଜୁ କରାଯାଇଛି । ଗଛ କାଟିବା ବନ୍ଦ କରିବା ସହ କଟାଯାଇଥିବା ଗଛ ବାବଦରେ କ୍ଷତିପୂରଣ ଦେବାକୁ କୋର୍ଟରେ ପ୍ରାର୍ଥନା କରାଯାଇଛି ।
ଏହା ବି ପଢ଼ନ୍ତୁବିଧାୟକଙ୍କ ପାଇଁ ବୃକ୍ଷ ବଳୀ, ସବୁଜିମାର ମଶାଣୀ ଉପରେ ସୌଧ ନିର୍ମାଣକୁ ଜୋରଦାର ବିରୋଧ
ରାଜ୍ୟ ସରକାର, କେନ୍ଦ୍ର ସରକାରଙ୍କ ସମେତ ୧୦ ଜଣଙ୍କୁ ପକ୍ଷଭୁକ୍ତ କରାଯାଇ ଏହି ଜନସ୍ବାର୍ଥ ମାମଲା ରୁଜୁ କରାଯାଇଛି । ରାଜଧାନୀରେ ନିର୍ମାଣ ହେବାକୁ ବିଧାୟକଙ୍କ ପାଇଁ ଅତ୍ୟାଧୁନିକ ସରକାରୀ କ୍ବାଟର୍ସ ନିର୍ମାଣକୁ ନେଇ ଏବେ ପ୍ରତିବାଦ ତୀବ୍ର ହେବାରେ ଲାଗିଛି । କାରଣ ଏହି ନିର୍ମାଣ ପାଇଁ ଏବେ ବଳି ପଡୁଛନ୍ତି ଶହ ଶହ ବର୍ଷର ପୁରାତନ ବୃକ୍ଷରାଜି । ରାଜଧାନୀକୁ ସବୁଜିମା ବଳୟରେ ରଖିବା ସହ ସୁରକ୍ଷା ଯୋଗାଉଥିବା ଏହି ବୃକ୍ଷ ଗୁଡିକୁ ଏବେ କାଟି ସଫା କରୁଛି ପ୍ରଶାସନ । ଯାହାକୁ ନେଇ ଗଣମାଧ୍ୟମରେ ବାରମ୍ବାର ଖବର ପ୍ରସାରଣ ପରେ ଏବେ ଗଛ କଟାକୁ ବିରୋଧ କରି ଆନ୍ଦୋଳନ ପ୍ରତିବାଦ ତୀବ୍ର ହେବାରେ ଲାଗିଛି ।