ଭୋଟ ଦେଲେ ସର୍ବ କନିଷ୍ଠ ବିଧାୟକ ପ୍ରାର୍ଥୀ ସୌଭିକ ବିଶ୍ୱାଳ

ନିଜର ମତାଧିକାର ସାବ୍ୟସ୍ତ କରିଛନ୍ତି ସର୍ବ କନିଷ୍ଠ ବିଧାୟକ ପ୍ରାର୍ଥୀ ସୌଭିକ ବିଶ୍ୱାଳ। ମହାନଦୀବିହାର ଅନ୍ତର୍ଗତ ବାଳିକା ମହାବିଦ୍ୟାଳୟର 105 ନମ୍ବର ବୁଥରେ ସେ ଭୋଟ ଦେଇଛନ୍ତି ।

କଟକ: ଚାଲିଛି ତୃତୀୟ ପର୍ଯ୍ୟାୟ ନିର୍ବାଚନ ପାଇଁ ମତଦାନ । ନିର୍ବାଚନର ଏହି ମହାପର୍ବରେ ନିଜର ମତାଧିକାର ସାବ୍ୟସ୍ତ କରିଛନ୍ତି ସର୍ବ କନିଷ୍ଠ ବିଧାୟକ ପ୍ରାର୍ଥୀ ସୌଭିକ ବିଶ୍ୱାଳ । ମହାନଦୀବିହାର ଅନ୍ତର୍ଗତ ବାଳିକା ମହାବିଦ୍ୟାଳୟର 105 ନମ୍ବର ବୁଥରେ ସେ ଭୋଟ ଦେଇଛନ୍ତି ।

ସର୍ବ କନିଷ୍ଠ ବିଧାୟକ ପ୍ରାର୍ଥୀ ଭାବେ ଚୌଦ୍ୱାର ନିର୍ବାଚନ ମଣ୍ଡଳୀରୁ ନିର୍ବାଚନ ଲଢ଼ୁଥିବାରୁ ନିଜକୁ ବେଶ ଗର୍ବିତ ମନେ କରୁଛି ବୋଲି କହିଥିଲେ ସୌଭିକ ।

ଏହାସହିତ ବାପା ପ୍ରଭାତ ବିଶ୍ୱାଳଙ୍କ ଆର୍ଶୀବାଦ ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିଶ୍ୱାସକୁ ସର୍ବଦା ସଫଳତାର ଶୀର୍ଷରେ ରଖିବେ ବୋଲି କହିଛନ୍ତି ସୌଭିକ । ଏହି କ୍ରମରେ ନବୀନ ସରକାର ପଞ୍ଚମ ଥର ପାଇଁ ରାଜ୍ୟରେ ସରକାର ଗଢିବେ ବୋଲି କହିଛନ୍ତି ବାପା ପ୍ରଭାତ ବିଶ୍ୱାଳ ।

କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ