ତ୍ରିଶୁଳିଆ ବ୍ରିଜରୁ ମହାନଦୀକୁ ଡେଇଁଲେ ମା-ଝିଅ, ଉଦ୍ଧାର କଲା ଅଗ୍ନିଶମ ବିଭାଗ

17:42 July 08

ତ୍ରିଶୁଳିଆ ବ୍ରିଜରେ ମା ଓ ଝିଅର ଆତ୍ମହତ୍ୟା ଉଦ୍ୟମ, ଅଗ୍ନୀଶମ ବିଭାଗ ଦେଲା ନୂତନ ଜୀବନ

କଟକ: ବ୍ରିଜ ଉପରେ ସ୍କୁଟି ରଖି ନଦୀକୁ ଡେଇଁଲେ ମା ଓ ଝିଅ । କଟକ ତ୍ରିଶୁଳିଆ ବ୍ରିଜ ଉପରେ ଘଟିଛି ଏହି ଅଘଟଣ । ଘଟଣାସ୍ଥଳରେ ତୁରନ୍ତ ଅଗ୍ନୀଶମ ବିଭାଗ ପହଞ୍ଚି ଦୁଇଜଣଙ୍କୁ ଜୀବନ୍ତ ଭାବରେ ଉଦ୍ଧାର କରିଛନ୍ତି  ।  

ସୂଚନା ଅନୁଯାୟୀ କଟକ  ଘରୋଇ କଳହକୁ କେନ୍ଦ୍ର କରି ତ୍ରିଶୁଳିଆ ବ୍ରିଜ ଉପରେ ସ୍କୁଟି ରଖି କାଠଯୋଡିକୁ ଡେ଼ଇଁପଡିଲେ ମା ଓ ଝିଅ ।  ମା ଓ ଝିଅ ନଦୀକୁ ଡେଇଁ ଆତ୍ମହତ୍ୟା ଉଦ୍ୟମ କରିଥିଲେ । କିଛି ବାଟୋଇ ଏହା ଦେଖି ଅଗ୍ନିଶମ ବିଭାଗକୁ ଖବର ଦେଇଥିଲେ । ଖବର ପାଇ ଅଗ୍ନିଶମ ବିଭାଗ ପହଞ୍ଚି ବୋଟ ସାହାଯ୍ୟରେ ଦୁଇ ଜଣଙ୍କୁ ଜୀବନ୍ତ ଭାବରେ ଉଦ୍ଧାର କରିଛନ୍ତି  । ପାରିବାରିକ କଳହ କାରଣରୁ ଦୁଇ ଜଣ ଆତ୍ମହତ୍ୟା ଉଦ୍ୟମ କରିଥିବା ଜଣାପଡ଼ିଛି । ନଦୀର ପାଣି କମ ଥିବାରୁ ଉଭୟ ବଞ୍ଚି ଯାଇଛନ୍ତି ।

ତେବେ ଜୀବନ୍ତ ଅବସ୍ଥାରେ ଦୁଇ ଜଣଙ୍କୁ ଉଦ୍ଧାର କରିଥିବାରୁ ବେଶ ଖୁସି ପ୍ରକଟ କରିଛନ୍ତି ଅଗ୍ନିଶମ କର୍ମଚାରୀ । ବର୍ତ୍ତମାନ ଦୁଇଜଣଙ୍କୁ  ମେଡିକାଲରେ ଭର୍ତ୍ତି କରାଯାଇଛି ।

କଟକରୁ ନାରାୟଣ ସାହୁ,ଇଟିଭି ଭାରତ