ଭୁବନେଶ୍ବର: ରାଜଧାନୀରେ ଚାଞ୍ଚଲ୍ୟ । ଭଙ୍ଗା ଦୋକାନ ଘରୁ ଅଜଣା ଯୁବକଙ୍କ ମୃତଦେହ ଉଦ୍ଧାର । ବିଜୁପଟ୍ଟନାୟକ କଲେଜ ନିକଟରେ ଥିବା ଏକ ଭଙ୍ଗା ଦୋକାନ ଘରୁ ଯୁବକଙ୍କ ମୃତଦେହକୁ ଉଦ୍ଧାର କରିଛି ନୟାପଲ୍ଲୀ ଥାନା ପୋଲିସ ।
ନୟାପଲ୍ଲୀରେ ଚାଞ୍ଚଲ୍ୟ: ଭଙ୍ଗାଘରୁ ମିଳିଲା ଯୁବକଙ୍କ ମୃତଦେହ, ହତ୍ୟା ସନ୍ଦେହ
ତେବେ ମୃତଦେହ ଉଦ୍ଧାର ସମୟରେ ଯୁବକଙ୍କ ନିକଟରେ ଏକ ବାଇକ ରଖାଯାଇଥିବା ବେଳେ ଏହା ହତ୍ୟା ହୋଇଥାଇପାରେ ବୋଲି ପୋଲିସ ସନ୍ଦେହ କରୁଛି । ମୃତ ଯୁବକଙ୍କୁ ଦେଖି ଜଣେ ମହିଳା ସେ ତାଙ୍କର ସ୍ବାମୀ ବୋଲି ପୋଲିସକୁ କହିଛନ୍ତି ଏବଂ ସେ ଗତରାତିରୁ ତାଙ୍କୁ ଖୋଜୁଥିବା ମଧ୍ୟ କହିଛନ୍ତି । ଯୁବକଙ୍କ ମୃତଦେହକୁ ପୋଲିସ ବ୍ୟବଚ୍ଛେଦ ପାଇଁ ପଠାଇଛି ।