ଭୁବନେଶ୍ବର: ଆଜି ହେଉଛି ବିଶ୍ବ ସାଇକେଲ ଦିବସ । ଲୋକଙ୍କୁ ସାଇକେଲ ଚଳାଇବା ପ୍ରତି ଆକୃଷ୍ଟ କରିବା ଲକ୍ଷ୍ୟ ନେଇ ଗତ 2018 ମସିହାରେ ଜାତିସଙ୍ଘର ସ୍ବତନ୍ତ୍ର ଅଧିବେଶନରେ ଏନେଇ ପ୍ରସ୍ତାବ ଗୃହୀତ ହୋଇଥିଲା । ବାସ୍ ତା ପର ଠାରୁ ପ୍ରତିବର୍ଷ ଏହିଦିନକୁ ବିଶ୍ବ ସାଇକେଲ ଦିବସ ଭାବେ ପାଳନ କରାଯାଉଛି ।
ବିଶ୍ବ ସାଇକେଲ ଦିବସ: ସାଇକେଲ ଚଲାନ୍ତୁ ସୁସ୍ଥ ରୁହନ୍ତୁ
ତେବେ ବିଭିନ୍ନ ଦେଶରେ ଏହାକୁ ଗୁରୁତ୍ବ ଦିଆଯାଇ ସାଇକେଲ ଚାଳକଙ୍କୁ ବିନା ବାଧାରେ ଚଳପ୍ରଚଳ ପାଇଁ ସ୍ବତନ୍ତ୍ର ଟ୍ରାକ ମାନ ପ୍ରସ୍ତୁତ କରାଯାଉଛି । ଆମ ରାଜ୍ୟରେ ମଧ୍ୟ ସରକାର ଏନେଇ ପଦକ୍ଷେପ ଗ୍ରହଣ ସ୍ବରୂପ ରାଜଧାନୀ ଭୁବନେଶ୍ବରରେ ସାଇକେଲ ଚଳାଇବା ପାଇଁ ସ୍ବତନ୍ତ୍ର ଟ୍ରାକ ପ୍ରସ୍ତୁତ କରିଥିଲେ । ଲୋକମାନଙ୍କ ମଧ୍ୟରେ ସାଇକେଲ ଚଳାଇବା ଆଗ୍ରହ ବୃଦ୍ଧି ପାଇଁ ମୋ ସାଇକେଲ ଯୋଜନା ଆରମ୍ଭ କରିଥିଲେ ।