ଭୁବନେଶ୍ବର: ସ୍ମିତାରାଣୀ ମୃତ୍ୟୁ ମାମଲାରେ ବିଜେପି ତଥା ଅନ୍ୟ ବିରୋଧି ଦଳ ବାରମ୍ବାର ମହିଳା କମିଶନ ଅଧ୍ୟକ୍ଷାଙ୍କୁ ଟାର୍ଗେଟ କରୁଛନ୍ତି । ଏପରିକି ଅଧ୍ୟକ୍ଷା ଏଭଳି ଏକ ସଙ୍ଗୀନ ଘଟଣାରେ ନିରବତା ଅବଲମ୍ବନ କରୁଥିବା ବୋଲି ଅଭିଯୋଗ ମଧ୍ୟ କରିଛନ୍ତି । ଏହା ମଧ୍ୟରେ ଶନିବାର ଅଧ୍ୟକ୍ଷା ମିନତି ବେହେରା ଗଣମାଧ୍ୟମକୁ ପ୍ରତିକ୍ରିୟା ଦେଇ କହିଛନ୍ତି ଯେ, ସେ ନିଜ ପରିଧି ମଧ୍ୟରେ ରହି କାମ କରୁଛନ୍ତି।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର ଅନ୍ୟପକ୍ଷେ ଡିଜିପିଙ୍କ ସହ ଆଲୋଚନା କରାଯାଇଛି । ଏହା ସହ ଘଟଣାର କ୍ରାଇମବ୍ରାଞ୍ଚ ତଦନ୍ତ ପାଇଁ ମଧ୍ୟ କୁହାଯାଇଛି । ବିରୋଧୀ ଦଳ କଣ ଅଭିଯୋଗ କରୁଛନ୍ତି ତାହା ସେ ଜାଣିନାହାନ୍ତି ବୋଲି କହିଛନ୍ତି ଶ୍ରୀମତି ବେହେରା । କିଏ କଣ କହିଲା ସେଥିପାଇଁ ମହିଳା କମିଶନ ଚିନ୍ତିତ ନୁହନ୍ତି । ସୂଚନାନୁସାରେ, ସ୍ମିତାରାଣୀ ମୃତ୍ୟୁ ମାମଲାକୁ ନେଇ ଉଭୟ ବିରୋଧୀ କଂଗ୍ରେସ ଓ ବିଜେପି ସିବିଆଇ ତଦନ୍ତ ଦାବି କରୁଛନ୍ତି ।
ଭୁବନେଶ୍ବରରୁ ତପନ କୁମାର ଦାସ, ଇଟିଭି ଭାରତ
