ଭୁବନେଶ୍ବର: ସ୍ବାମୀ ମୃତଦେହ ସହ ବିତିଲା ରାତି । ମୃତଦେହ ସାମ୍ନାରେ କାନ୍ଦୁଥିଲା ସ୍ତ୍ରୀ । ପାରିବାରିକ କଳହ ଓ ନିଶାର ଭୟାନକ କାଣ୍ଡରୁ ସ୍ବାମୀର ଜୀବନ ଯାଇଛି । ଚନ୍ଦ୍ରଶେଖରପୁର ଥାନା ମଣ୍ଡପ ବସ୍ତିରେ ଘଟିଛି ଏଭଳି ଘଟଣା । ବସ୍ତିର ଶ୍ୟାମ ମୁଣ୍ଡରି(୫୫)ଙ୍କ ମୃତଦେହକୁ କ୍ଷତାକ୍ତ ଅବସ୍ଥାରେ ଉଦ୍ଧାର କରିଛି ପୋଲିସ ।
ରାଜଧାନୀର ବସ୍ତିରେ ବିଭତ୍ସକାଣ୍ଡ, ହତ୍ୟା ପରେ ସ୍ବାମୀ ସହ ୨ ରାତି କାଟିଲା ସ୍ତ୍ରୀ
ମୁଣ୍ଡରେ ଓ ଅଣ୍ଟାରେ କ୍ଷତାକ୍ତ ଚିହ୍ନ ରହିଥିବା ବେଳେ ମୃତକଙ୍କ ରବିବାରଠାରୁ ଜୀବନ ଯାଇଥିବା ବୋଲି ପୋଲିସ ସନ୍ଦେହ କରିଛି । ତେବେ ସ୍ବାମୀ ମୃତଦେହ ନିକଟରୁ ସ୍ତ୍ରୀକୁ ଝିଙ୍ଗି ମୁଣ୍ଡରି ଆଣି ଥାନାରେ ଅଟକ ରଖିଛି ପୋଲିସ । ମୃତକଙ୍କୁ ହତ୍ୟା କରାଯାଇଥିବା ପୋଲିସ ପ୍ରାଥମିକ ତଦନ୍ତରୁ ଜାଣିବାକୁ ପାଇଛି । ଘଟଣାକୁ ନେଇ ସାଇଣ୍ଟିଫିକ ଟିମ ମଧ୍ୟ ପହଞ୍ଚି ତନାଘନା କରିଛି । ସେପଟେ ମୃତକଙ୍କ ସ୍ତ୍ରୀ ନିଶାରେ ଥାଇ ହତ୍ୟା କରିବା ପରେ ଘରେ କବଟା କିଳି ରହିଥିଲେ ବୋଲି ମୃତକ ଶ୍ୟାମ ମୁଣ୍ଡରିର ଭାଇ କହିଛନ୍ତି ।