ଭୁବନେଶ୍ବର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରୋମ ଗସ୍ତକୁ ନେଇ ବଡ ଅଭିଯୋଗ ଆଣିଲେ ବିଜେପି ବିଧାୟକ ଜୟ ନାରାୟଣ ମିଶ୍ର । ଜୟ ନାରାୟଣ କହିଛନ୍ତି ଓଡିଶାକୁ ଖ୍ରୀଷ୍ଟିଆନ ଧର୍ମାବଲମ୍ବୀ ରାଜ୍ୟରେ ପରିଣତ କରିବାକୁ ଚେଷ୍ଟା କଲେ ଆମେ ବିରୋଧ କରିବୁ । ଏହି ପ୍ରସଙ୍ଗକୁ ଆମେ ବିଧାନସଭାରେ ଉଠାଇବୁ ।
କାହିଁକି ପୋପଙ୍କି ଭେଟିଲେ ମୁଖ୍ୟମନ୍ତ୍ରୀ : ବିଧାୟକ ଜୟ ନାରାୟଣ ମିଶ୍ର
ମୁଖ୍ୟମନ୍ତ୍ରୀଙ୍କ ରୋମ ଗସ୍ତବେଳେ ପୋପଙ୍କୁ ସାକ୍ଷାତ କରିବା ନେଇ ଜୟ କହିଛନ୍ତି ନବୀନ କାହିଁକି ଧାଡିରେ ଠିଆ ହୋଇ ପୋପଙ୍କୁ ଭେଟିଲେ? କେଉଁ ପଇସାରେ ଇଟାଲୀ ଗସ୍ତ କରିଥିଲେ ନବୀନ? ଯଦି ସରକାରୀ ପଇସାରେ ଯାଇଥିଲେ କଣ କରିବାକୁ ଯାଇଥିଲେ ? କଣ ଉପଲବ୍ଧି କଲେ? ପୋପଙ୍କୁ ଭେଟିବାର କଣ ଆବଶ୍ୟକତା ଥିଲା ? ସେ ଜଣେ ନେସନାଲ ଲିଡର ନୁହନ୍ତି ଲାଇନରେ ଛିଡା ହୋଇ କାହିଁକି ଭେଟିଲେ ପୋପଙ୍କୁ? ନିଜ ଧର୍ମଗୁରୁ ଶଙ୍କରାଚାର୍ଯ୍ୟଙ୍କୁ ଭେଟି ନାହାଁନ୍ତି କେବେ ।