ଭୁବନେଶ୍ବର: ଖସୁଛି ପାରଦ । ବଢୁଛି ଶୀତ ଲହରୀ । ଘରୁ ପାଦ କାଢିବାକୁ 10 ଥର ଭାବିବାକୁ ପଡୁଛି । ପୁଣି ଆସନ୍ତା ୩ ଦିନ ପାଇଁ ଆଭ୍ୟନ୍ତରୀଣ ଓଡ଼ିଶାରେ ପ୍ରବଳ ଥଣ୍ଡା ଅନୁଭୂତ ହେବ ବୋଲି ଆଞ୍ଚଳିକ ପାଣିପାଗ ବିଭାଗ ପକ୍ଷରୁ କୁହାଯାଇଛି । ଫଳରେ ଦୈନନ୍ଦିନ ଜୀବନ ପ୍ର୍ରଭାବିତ ହେବାର ସମ୍ଭାବନା ରହିଛି। ଆସନ୍ତା ୨୪ ଘଣ୍ଟା, ତୀବ୍ର ଶୀତ ଲହରୀ ପାଇଁ ୨୧ ଡିସେମ୍ବର ସୋମବାର ମଧ୍ୟରେ ୫ ଟି ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ ଜାରି ହୋଇଛି ।
ଆସନ୍ତା 3 ଦିନ ପାଇଁ ଅସହ୍ୟ ଶୀତରେ ଥରିବ ସାରା ଓଡିଶା
ବରଗଡ଼, ସୁନ୍ଦରଗଡ଼, ଝାରସୁଗୁଡା, ଅନୁଗୋଳ ଓ ମୟୂରଭଞ୍ଜ ଜିଲ୍ଲାରେ ପ୍ରବଳ ଶୀତ ଅନୁଭୂତ ହେବ। ଏହାର ପ୍ରଭାବରେ ଥଣ୍ଡା, ନାକରୁ ଅବିଶ୍ରାନ୍ତ ପାଣି ଦେବା ଭଳି ସ୍ଥିତି ଉପୁଜିବ। ତେଣୁ ରାତ୍ରି ସମୟରେ ଘରେ ରହିବା, ରାତ୍ରି ସମୟରେ ଦୁଇ ଚକିଆ ଯାନ ନ ଚଳେଇବାକୁ ପରାମର୍ଶ ଦିଆଯାଇଛି ।