ଭୁବନେଶ୍ବର: ରାଜ୍ୟରେ ବିଜ୍ଞାନକୁ ଲୋକପ୍ରିୟ କରିବା ପାଇଁ ସରକାର ଅନେକ ଯୋଜନା କରୁଥିବା ବେଳେ ବର୍ଷ ବର୍ଷ ଧରି ଜୟପୁରରେ ପ୍ରତିଷ୍ଠା ହୋଇପାରିନି ସାଇନ୍ସ ପାର୍କ । ଗତ 5 ବର୍ଷ ଧରି ଜୟପୁର ବିଧାୟକ ବିଜ୍ଞାନ କେନ୍ଦ୍ର ପ୍ରତିଷ୍ଠା ନେଇ ପ୍ରଶ୍ନ କରୁଥିବାବେଳେ ଉତ୍ତର ବି ସମାନ ପାଉଛନ୍ତି । ଶନିବାର ବିଧାନସଭା ପ୍ରଶ୍ନକାଳରେ ତାରା ବାହିନୀପତି ଏହି ଅଭିଯୋଗ କରିଛନ୍ତି ।
ଅଭିଯୋଗରେ ସେ ଏହା ମଧ୍ୟ କହିଛନ୍ତି ଯେ, 'ରାଜ୍ୟରେ ଓରେଡା ନାମକ ଏକ ସଂସ୍ଥା ଅଛି । ଯାହା କେବଳ ନାଁକୁ ମାତ୍ର ରହିଛି । ଏଥିରେ ପର୍ଯ୍ୟାପ୍ତ କର୍ମଚାରୀ ନଥିବାବେଳେ ନିଯୁକ୍ତ ଥିବା ଜଣେ ମାତ୍ର କର୍ମଚାରୀଙ୍କୁ 8ରୁ 10ଟି ଜିଲ୍ଲାର ଦାୟିତ୍ବ ଦିଆଯାଇଛି । ସେହିପରି ଜୟପୁରରେ ବିଜ୍ଞାନ ପାର୍କ ପାଇଁ 5 ବର୍ଷ ତଳେ ଜମି ଦିଆଯାଇଥିଲେ ମଧ୍ୟ ଏଯାବତ୍ କାମ ଆରମ୍ଭ ହୋଇନାହିଁ' ।
ଭିଡିଓ ସୌଜନ୍ୟ: ବ୍ୟୁରୋ ଚିଫ୍, ଭୁବନେଶ୍ବର