ଭୁବନେଶ୍ବର: ରାଜ୍ୟରେ ଋଣ ଭାର କେତେ ? ତାହା ଜାଣିବା ପାଇଁ ଚାହିଁଥିଲେ ବିଜେଡି ବିଧାୟକ ସୌମ୍ୟ ରଞ୍ଜନ ପଟ୍ଟନାୟକ (Bjd MLA Soumya Ranjan Patnaik) ।
ଉତ୍ତରରେ ଅର୍ଥମନ୍ତ୍ରୀ ନିରଞ୍ଜନ ପୂଜାରୀ(Finance Minister Niranjan Pujari ) କହିଛନ୍ତି ଅର୍ଥନୀତି ଓ ପରିସଂଖ୍ୟାନ ନିର୍ଦ୍ଦେଶାଳୟରୁ ହସ୍ତଗତ ତଥ୍ୟ ଅନୁଯାୟୀ ରାଜ୍ୟରେ 2021-22 ଆର୍ଥିକ ବର୍ଷରେ ରାଜ୍ୟ ଘରୋଇ ଉତ୍ପାଦ ( GSDP ) ଅଭିବୃଦ୍ଧି ହାର ଓ କୃଷି , ଶିଳ୍ପ ଏବଂ ସେବା କ୍ଷେତ୍ରର ଅବଦାନ କେତେ ଏହା ଅଦ୍ୟାବଧି ଓଡିଶା ଅର୍ଥନୀତି ଓ ପରିସଂଖ୍ୟାନ ନିର୍ଦ୍ଦେଶାଳୟରେ ଆକଳନ କରାଯାଇ ନାହିଁ । ଏହା ଜାନୁୟାରୀ ୨୦୨୨ ଶେଷ ସୁଦ୍ଧା ଆକଳନ କରାଯିବାର ଲକ୍ଷ୍ୟ ରଖା ଯାଇଛି ।
2020-21 ଆର୍ଥିକ ବର୍ଷର ଅଗ୍ରୀମ ଆକଳନ ଅନୁସାରେ ରାଜ୍ୟ ଘରୋଇ ଉତ୍ପାଦ ( GSDP ) ଅଭିବୃଦ୍ଧି ହାର 2011-12 ଆଧାର ବର୍ଷ ଅନୁସାରେ ( - 4.92 % ) ସ୍ଥିର କରାଯାଇଥିଲା । ମୋଟ ଘରୋଇ ଉତ୍ପାଦକୁ କୃଷି , ଶିଳ୍ପ ଓ ସେବା କ୍ଷେତ୍ରର ଅବଦାନ ଚଳନ୍ତି ମୂଲ୍ୟରେ ତଥ୍ୟ ଲିଖିତ ଆକାରରେ ଦେଇଛନ୍ତି ।