ଭୁବନେଶ୍ବର: ଏଣିକି ବିଦେଶ ଭଳି ଆମ ଦେଶର ଯୁବତୀମାନେ ୱେଲଡିଂରେ କ୍ୟାରିୟର କରିପାରିବେ । ଏଥିପାଇଁ ଯୁବତୀମାନଙ୍କୁ ପ୍ରଶିକ୍ଷଣ ଦେବା ପାଇଁ ଆଗକୁ ଆସିଛି ସିଭି ରମଣ ଗ୍ଲୋବାଲ ୟୁନିଭରସିଟି । ଏଥିରେ ଝିଅ ମାନଙ୍କୁ 3 ଦିନିଆ ପ୍ରଶିକ୍ଷଣ ଦିଆଯିବ । ଯେଉଁଥିରେ ଭାଗ ନେବେ 102 ଛାତ୍ରୀ । ଏନେଇ ସୂଚନା ଦେଇଛନ୍ତି ସିଭି ରମଣ ୟୁନିଭରସିଟି ସଭାପତି ସଞ୍ଜୀବ କୁମାର ରାଉତ ।
ଅନେକ ପିଲା ୱେଲଡିଂରେ ନିଜର କ୍ୟାରିୟର କରିପାରିବେ । ବିଦେଶରେ ଯେଉଁ ଭଳି ଭାବରେ ଯୁବତୀ ମାନେ ବଡ ବଡ କମ୍ପାନୀ ମାନଙ୍କରେ ୱେଲଡିଂ କାମ କରୁଛନ୍ତି ଓ ପ୍ରଶିକ୍ଷଣ ଦେଉଛନ୍ତି, ସେହିଭଳି ଭାବରେ ଭାରତୀୟ ଛାତ୍ରୀମାନେ ଏପରି ଏକ ଅଗ୍ରଗତିଶୀଳ କ୍ୟାରିୟରକୁ ଅପଣାଇବେ ।
ଏଣିକି ୱେଲଡିଂରେ ଯୁବତୀ କରିପାରିବେ କ୍ୟାରିୟର, ଦିଆଯିବ ପ୍ରଶିକ୍ଷଣ ସେନେଇ 3 ଦିନିଆ ପ୍ରଶିକ୍ଷଣ କରାଯାଉଛି । ତେବେ ଇଣ୍ଡିଆର ସମସ୍ତ ରାଜ୍ୟରୁ 202 ଜଣ ନାମ ଦାଖଲ କରିଥିବା ବେଳେ ସିଭି ରମଣ ୟୁନିଭରସିଟିରୁ 6 ଜଣ ନାମ ପଞ୍ଜିକୃତ କରିଛନ୍ତି । ଯେଉଁ ମାନେ ଭଲ ଭାବରେ ପଦର୍ଶନ କରିବେ ସେମାଙ୍କୁ ପୁରସ୍କାର ମିଳିବା ସହ ଆଗାମୀ ଦିନରେ କିଭଳି ବିଶ୍ବସ୍ତରରେ ପ୍ରତିଯୋଗିତା ପାଇଁ ଅଂଶଗ୍ରହଣ କରିବେ ସେନେଇ ସୁଯୋଗ ସୁବିଧା ଯୋଗାଇ ଦିଆଯିବ । ଏହା ଆସନ୍ତା ଅନ୍ତର୍ଜାତୀୟ ମହିଳା ଦିବସ ଉପଲକ୍ଷେ ଅୟୋଜନ କରାଯାଉଛି । ବିଶେଷ ଭାବରେ ଏହି କ୍ୟାରିଅର ପାଇଁ ଆଇଆଇଟି ଡିପ୍ଲୋମା ଆବଶ୍ୟକ ରହୁଛି । କିନ୍ତୁ ଯଦି କୌଣସି ପିଲାର ଇଛାଶକ୍ତି ରହିଛି ଏହି କ୍ୟାରିଅର ଉପରେ ତେବେ ସେ ଭଲଭାବରେ କାମ କରିପାରୁଛି ତେବେ ସେହି ପିଲାଙ୍କୁ ନିଯୁକ୍ତି ଦିଆଯିବ ବୋଲି ସିଭି ରମଣ ୟୁନିଭରସିଟିର ସଭାପତି ସଞ୍ଜୀବ କୁମାର ରାଉତ କହିଛନ୍ତି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
