ଭୁବନେଶ୍ବର: ଦୁଇ ଦିନିଆ ସଟଡାଉନ ସମୟରେ କଟକଣା କୋହଳ କଲେ କମିଶନରେଟ ପୋଲିସ । ଅତ୍ୟାବଶ୍ୟକୀୟ କାର୍ଯ୍ୟ ପାଇଁ ପାସର କୌଣସି ଆବଶ୍ୟକତା ନାହିଁ । ଟ୍ୱିନସିଟିରେ ସଟଡାଉନ ପାଳନ ପାଇଁ ପୋଲିସ ପ୍ରସ୍ତୁତ ଅଛି ବୋଲି କହିଲେ ସିପି । ସେହିପରି ଅମାନିଆଙ୍କୁ ସାବାଡ୍ ପାଇଁ ମଧ୍ୟ ଯୋଜନା ପ୍ରସ୍ତୁତ ।
ଟ୍ବିନ ସିଟିରେ ସଟଡାଉନ: ମୋ ବସ ସେବା ବନ୍ଦ, 68ଟି ସ୍ଥାନରେ ଚେକ୍ ପଏଣ୍ଟ
ଆଗ ଅପେକ୍ଷା ଏଥର କଟକଣା ଯେତିକି କୋହଳ, ଅମାନିଆଙ୍କୁ ସାବାଡ ପାଇଁ ମଧ୍ୟ ସେତିକି କଡାକଡି ହେବ ନିୟମ । ସଂକ୍ରମଣର ମାତ୍ରା ବୃଦ୍ଧିକୁ ଦୃଷ୍ଟିରେ ରଖି ଅମାନିଆଙ୍କ ପାଇଁ କଡା ହେଲା କମିଶନରେଟ ପୋଲିସ । ସଟଡାଉନ ସମୟରେ ଭୁବନେଶ୍ବରରେ 43 ଓ କଟକରେ 25 ସ୍ଥାନରେ ନାକା କରାଯିବ । ସେହିପରି ରାଜଧାନୀରେ 20 ପ୍ଲାଟୁନ ପୋଲିସ ଫୋର୍ସ ସହ 150 ଅଫିସର ଓ କଟକରେ 12 ପ୍ଲାଟୁନ ପୋଲିସ ଫୋର୍ସ ସହ 100 ଅଫିସର ରହିବେ ବୋଲି କମିଶନରେଟ ପୋଲିସ ସମ୍ବାଦିକ ସମ୍ମିଳନୀ କରି ସୂଚନା ଦେଇଛନ୍ତି ।