ଭୁବନେଶ୍ବର: ଭାରତ ବନ୍ଦ ଡାକରା ଦେଲେ ବାମ ଦଳ ସମେତ କେତେକ ଟ୍ରେଡ ୟୁନିୟନ । ୧୨ ଦଫା ଦାବି ନେଇ ଏହି ଭାରତ ବନ୍ଦ ଡାକରା ଦିଆଯାଇଛି। ବାମଦଳ , କେନ୍ଦ୍ରୀୟ ଟ୍ରେଡ ୟୁନିୟନ ଓ ସ୍ବାଧୀନ ଫେଡରେସନ ମିଳିତ ମଞ୍ଚ ପକ୍ଷରୁ ୨୪ ଘଣ୍ଟିଆ ଭାରତ ବନ୍ଦ ଡାକରା ଦିଆଯାଇଛି।
ବନ୍ଦରୁ ବାଦ ପଡିବ ଅତ୍ୟାବଶ୍ୟକ ସେବା
କେନ୍ଦ୍ର ସରକାରଙ୍କ ଦ୍ବାରା ଉପୁଜିଥିବା ସାମ୍ବିଧାନିକ ସଙ୍କଟ, ଅର୍ଥନୈତିକ ମାନ୍ଦାବସ୍ଥା, ବିଭିନ୍ନ ଶିକ୍ଷାନୁଷ୍ଠାନରେ ହିଂସା, ଚାଷୀ ମାରଣ ନୀତି, ଦରଦାମ ଆକାଶ ଛୁଆଁ ବୃଦ୍ଧିର ପ୍ରତିବାଦରେ ଏହି ବନ୍ଦ ଡାକରା ଦିଆଯାଇଛି । ସକାଳ ୬ ଟାରୁ ବନ୍ଦ ପାଳନ ଆରମ୍ଭ ହେବ। ଶାନ୍ତିପୂର୍ଣ୍ଣ ବନ୍ଦ ପାଳନ ପାଇଁ ଜନସାଧାରଣଙ୍କୁ ଅପିଲ କରିଛନ୍ତି ବାମପନ୍ଥୀ ନେତା।