ଭୁବନେଶ୍ବର: ସକ୍ରିୟ ଟ୍ରଫଲାଇନ ଦୁର୍ବଳ ହେଉଥିବାରୁ ରାଜ୍ୟରେ ଆଜି(ରବିବାର)ଠାରୁ ବର୍ଷାର ପ୍ରଭାବ କମ ରହିଛି । ଆଗାମୀ ୩ ଦିନ ମଧ୍ୟରେ ଆକାଶ ମେଘାଚ୍ଛନ୍ନ ରହିବା ସହ ବର୍ଷାର ପରିମାଣ କମ ରହିବାର ସମ୍ଭାବନା ରହିଛି । ସେପଟେ ଗତକାଲି ଆଣ୍ଡାମାନ ସାଗରରେ ସୃଷ୍ଟି ହୋଇଥିବା ଲଘୁଚାପ ଯୋଗୁଁ ୭ ରୁ ଦକ୍ଷିଣ ଓଡ଼ିଶାରେ ବର୍ଷା ହେବାର ସମ୍ଭାବନା ରହିଛି ।
ବଦଳିଲା ପାଗ, ୧୭ରୁ ପୁଣି ପ୍ରବଳ ବର୍ଷା
ଏହାସହ ରାତ୍ରି ତାପମାତ୍ରାରେ ବିଶେଷ ପରିବର୍ତ୍ତନ ନ ହେବା ସହ ଶୀତ ବିଶେଷ ବଢିବା ସମ୍ଭାବନା ନାହିଁ । ଆଣ୍ଡାମାନ ସାଗରରେ ଥିବା ଲଘୁଚାପ ଯୋଗୁଁ ଆସନ୍ତା ୧୫ ତାରିଖ ମଧ୍ୟରେ ଉତ୍ତର ଆଣ୍ଡାମାନ ସାଗର ଓ ଏହାର ଆଖପାଖ ଦକ୍ଷିଣପୂର୍ବ ବଙ୍ଗୋପସାଗର ନିକଟରେ ଏକ ୱେଲ୍ ମାର୍କଡ ଲୋ ପ୍ରେସରରେ ପରିଣତ ହେବ । ଏହାପରେ ୧୭ ତାରିଖରେ ଏକ ଅବପାତର ରୂପ ନେଇ ୧୮ ତାରିଖରେ ଆନ୍ଧ୍ର ପ୍ରଦେଶ ଉପକୂଳ ପହଞ୍ଚିବ ।