ଭୁବନେଶ୍ବର: ବଙ୍ଗୋପସାଗରରେ ସୃଷ୍ଟ ଲଘୁଚାପ ଦୁର୍ବଳ ହୋଇଛି । ଲଘୁଚାପ ଦୁର୍ବଳ ହେବା ପରେ ଏହା ପଶ୍ଚିମ ଆସାମ ଆଡକୁ ମୁହାଁଇଛି । ସେହିପରି ରାଜ୍ୟ ଉପରେ ଥିବା ଟ୍ରାପ ଲାଇନ ପ୍ରଭାବରୁ ଆସନ୍ତା 24 ଘଣ୍ଟା ମଧ୍ୟରେ କେତେକ ଜିଲ୍ଲାରେ ଘଡଘଡି ସହ ସ୍ବଳ୍ପରୁ ମଧ୍ୟମ ଧରଣର ବର୍ଷା ହୋଇପାରେ । ତେବେ ମୋଟାମୋଟି ରାଜ୍ୟର ପାଗ ଶୁଖିଲା ରହିବାର ସମ୍ଭାବନା ରହିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ରାଜ୍ୟର ଅନୁଗୋଳ, ଢେଙ୍କାନାଳ, ମୟୂରଭଞ୍ଜ, ଖୋର୍ଦ୍ଧା, ପୁରୀ, ନୟାଗଡ଼, କନ୍ଧମାଳ, କଳାହାଣ୍ଡି, ଗଞ୍ଜାମ, ବୌଦ୍ଧ ଏବଂ ନବରଙ୍ଗପୁରରେ ଘଡଘଡି ସହ ସ୍ଵଳ୍ପରୁ ମଧ୍ୟମ ଧରଣର ବର୍ଷା ହେବାର ସମ୍ଭାବନା ରହିଛି । ଏହା ସହ ଭୁବନେଶ୍ବର କଟକ ସହରରେ ଆକାଶ ମେଘାଚ୍ଛନ୍ନ ରହିବା ସହ କାଁ ଭାଁ ବର୍ଷା ହେବାର ସମ୍ଭାବନା ରହିଛି । ଶୁକ୍ରବାର ରାଜ୍ୟର ବ୍ରହ୍ମପୁରରେ ସର୍ବାଧିକ ୮୭.୮ ମିମି ବର୍ଷା ରେକର୍ଡ କରାଯାଇଛି ।